- Norgga bargu lea váikkuhan heakkaid suddjet Libyas

- Lei áibbas riekta ahte Norga válddi oasi ovddasvástádusas suddjemis siviila álbmoga Libyas. Olbmoheakkat leat suddjejuvvon. Mii leat fuoniduhttán ráđđenvuogi militeara návccaid ja mii leat eastadan viiddis veahkaválddálašvuođa siviila álbmoga vuostá, dajai stáhtaministtar Jens Stoltenberg čilgehusastis Stuorradiggái odne doaimmaid birra Libyas. Son deattuhii seammás ahte Norgga doaibma ii leat ollašuvvon, ja dajai seammás ahte operašuvdna sáhttá  bistit guhka. 

Stáhtaministtar dajai ahte dorvoráđi mearrádus ahte ávkkástallat militeara fámu doaivumis lea  eastadan viiddis siviila vahágiid ja gillámušaid. – Siviila álbmogis lea ain duođalaš dilli. Vaikko mii lea lihkostuvvan eastadeames fallehemiid siviilaálbmoga vuostá de lea ain stuorra eahpesihkarvuohta ovddasguvlui, dajai stáhtaministtar.

- Go oberst Gadaffi lea geavahan militeara fámu iežas álbmoga vuostá de eanas oassi riikkaidgaskasaš servodagain leat cealkán ahte  Gadaffi lea massán jođihanlobálašvuođa ja ahte son berre geassádit. Norga doarju dán oainnu, dajai Stoltenberg.

Stoltenberg deattuhii ahte arábia ja Afrihká riikkaid čielga doarjja lei ON dorvoráđi mearrádusa vuođđun. – Mii mearkkašit dan ahte arábia riikkat sávvet operašuvnnaid bures boahtima.

- Riikkaidgaskasaš servodat ferte ovttasbargat orustahttimis vearjogeavaheami, ja militeara veagaid eret riikkaid ja baicca čáhkket saji humaniteara veahkkeorganisašuvnnaide. Stáhtaministtar dajai ahte ferte álggahuvvot politihkalaš proseassa vai šaddá vejolažžan olahit soabalašvuođa ja viiddis ođastusaid.

Stoltenberg loahpahii čilgehusastis ja deattuhii Suodjalusa barggu. – Dat vuohki movt Suodjalus lea dusten hástalusa árvvusadnojuvvo. Stáhtaministariin lean hui rámis go vásihan duostilvuođa ja ovddasvástádusa maid min militeara dál čájeha, dajai stáhtaministtar.

Loga čilgehusa dás.