Stáhtaministara muitosánit Stuorradikkis

Majestehta,
Gonagaslaš allavuohta,
Presideanta,

Norgga álbmot vásihii máhcakeahtes geahččalusa suoidnemánu 22.beaivvi.
Kárta bávkaluvvui.
Kompássa bávkaluvvon moallun.
Juohke áidna šattai válljet bálgásteaset birrasis gos lei stuora surgatvuohta, ballu ja moraš.

Livččii sáhttán mannat boastut.
Mii livččiimet sáhttá láhppot.

Muhto Norgalaš olbmot gal dádjadedje .
Eret seavdnjadasas ja diehtemeahttunvuođas mii máhcaimet fas ruoktot Norgii.

Dan ovddas giitán odne.

Min riikka  lea ain morašdilis.
Dál mii hávdádit sin geat jápme Utøyas ja ráđđehuskvartálas.

Váhnemat gohcet buohcanseaŋggaid guoras.
oallugat čirrot.
Váibmu vardá.
Mii fertet ain jeđđet sin geat moraštit.
Atnit fuola olbmuin geat rahčet.
Gudnijahttit sin geat jápme.

Muhto dasa lassin lea maid dárbun giitit.

Mun háliidan giitit majesteahta Gonagasa, gonagaslaš allavuođa kruvdnaprinssa ja olles gonagaslaš bearraša go liekkusvuođain leat searvan morašteapmái.

Mun giitán Stuorradikki go lea čájehan cuokka ja dáhtu čuožžut searválaga go riikka dárbbašii ovttalašvuođa.

Lea oallugat geat ánssášit min giitámušaid.
Politiijat
Buollin- ja gádjunossodat
Dearvvašvuođabargit
Suodjalus
Siviilasuodjalus
Norgga girku ja eará osku- ja eallinoaidnoservodagat

Eaktodáhtolaš organisašuvnnat
Buohkat geat eaktodáhtolaččat barge dehálaš barggu Ráđđehuskvartálas ja Utøyas
Bargit guoskevaš departemeanttain
Bargit Sundvolden hoteallas
Buohkat geat Tyrivuona gáttiin veahkehedje.

Oallugat iežaset heakkavárain.

Sotnabeaivvi borgemánu 21. beaivvi našunála doaluin mas muittašit sin geat gillájedje ja buohkaid geat veahkehedje mii rámidit sin duostilvuođa  ovddas.

Mun háliidan maiddái giitit olles máilmmi ovddasmorraša ja oassádallama ovddas.
Go oaččuimet reivviid, liđiid, doarjaga Facebookas ja eará sosiála mediaid bakte.
Mii leat vásihan ahte mii eat leat akto. Dat gievrudahttá.

Lieggaseamos giitámušaid sádden Norgga álbmogii.

Go válde ovddasvástádusa dalle go dat gáibiduvvui.
Geat bisuhedje árvvolašvuođa.
Geat válljejedje demokratiija.

Ja stuorimusat álbmoga gaskkas leat nuorat.
AUF dat báhčaledje.
Muhto olles buolva čuožžilii ganjalčalmmiiguin ja vuosttaldeapmái.

Suoidnemánu 22.beaivvi buolva leat min sáŋgárat ja min doaivva.

Sii dagahit ahte mis ovddasguvlui ođđasit jáhkkit min vuođđudeaddji árvvuide.
Ja dainna sávaldagain álggahuvvon ávddalaš gulahallan ahtanuššá ja ceavzá.

Oallugat mis bisánaddet ja jurddašit iežamet guottuid birra.
Jurdilit maid mii ieža leat jurddašan, dadjan ja čállán.
Suoidnemánu 22. beivviin muittus dáidá leat nu ahte muhtumat mis sávvet ahte leat dajaldagat maid livččiimet galgan hábmet eará ládje.
Juo man mii ovddasguvlui áigut báhkkodit stuorit várrogasvuođain ja hearkivuođain.

Dat lea lohpi.
Mun dál bivddán dán sárdnestuolus ahte mii eat álggat garasvuođain oaguhišgoahtit cealkámušaid ja báhkkodemiid.

Maŋimus jurddašmeahttun beivviid oktavuohta lea duođaštan ahte ovddasguvlui ain dárbbašan utnolašvuođa.

Mii fertet surgadis dáhpáhusain oahppat.
Mis dáidá buohkain leat dárbu nai dadjat ”mus lei boastut” – ja doahttaluvvot danin.

Dát guoská árgabeaivválaš ságastallamiidda ja almmolašvuođas.

Dat guoská politihkkariidda ja váldodoaimmaheddjiide.
Boradanlanjas ja neahtas.
Dat guoská midjiide buohkaide.

Min lohpádus lea ahte mii mielde guoddit suoidnemánu 22.beaivvi vuoiŋŋa go politihkalaš bargobeaivi fas álgá.

Mii galgat doaibmat seamma viissisvuođa ja doahttalemiin go maid Norgga álbmot lea dahkan.

Friddja sátni vearjun, ja dán sála vuoiŋŋan galgat mii ovttas diktit olmmošárvvu ja dorvvolašvuođa vuoitit balu ja vaššivuođa badjel.

Dan Norgga álbmot mis vuordá.