- Dehálaš veahkki ON-operašuvdnii

- Dat bargu maid lehpet doaimmahan Tsjadas árvvusadnojuvvo, dajai suodjalusministtar Grete Faremo go soalddáhat ožžo medáljjaid bargguset ovddas ON-operašuvnnas odne.

Govvideaddji: Taral Jansen, Suodjalusa mediaguovddáš

Maŋimus jagi lea Norggas leamašan okta fealtabuohcciviessu ja okta gáivoborenjoavku ON-operašuvnnas Tsjadas. Doaibma loahpahuvvui nu movt lei plánejuvvon miessemánu 15. beaivvi, ja dál veahka fas joavdan Norgii. Odne sii ožžo medáljjaid doaimmaset ovddas mat juhkkojuvvojedje Akershus suodjalusrusttegis Oslos, gos earret eará suodjalusministtar Grete Faremo ja Suodjalusdoaimma váldoguovddáža  hoavda Bernt I.F. Brovold searvvaiba.

- Mun fidnen Tsjadas jur ovdalaš juovllaid ja máhccen ruoktot buriid milličuohcci vásáhusaiguin. Min soalddáhat doibme bures sihke váttis ja amas birrasiin, logai suodjalusministtar sártnistis.

Buori bohtosat
Son deattuhii ahte doaimmas lea leamašan ávki. 2009 geassemánu 15. beaivvi rájes, go operašuvdna álggahuvvui, de leat čađahuvvon 319 čuohpadeamit ja 5900 ráđđejearramat norgalaš fealtabuohcciviesus, ja čáhcebovrenjoavkku doaimma olis leat ráhkaduvvon 16 čáhcegáivo viđa guovlluin.

Govvideaddji: Taral Jansen, Suodjalusa mediaguovddáš

- Buot deháleamos doaibma maid lehpet čađahan lea iešalddis gearggusvuohta. Bures doaibmi fealtabuohcciviessu lea áibbas dárbbašlaš militeara operašuvnnas. . Buohcciviessu lei áibbas guovddážis vai ON-operašuvdna galggai lihkostuvvat, danin go juste dat ahte lea buohcciviessu mas lea alla kvalitehta lea áibbas mearrideaddjin go eará riikkat mearridit sáddet soalddáhiiddis, dajai Faremo.

Son rámidii gáivobovrenjoavkku:
-  Sihkkarastimis čáhceboađu lei maid eaktun dasa ahte ON-veahka galggai sáhttit doaibmat. Mun dieđán maiddái ahte čáhcegálduid álgoiskamat ja kártemat maid dii lehpet čađahan áiggi mielde šaddet ávkin báikkiolbmuide. Ja dat ahte bargat juoga mii šaddá báikkiolbmuide ávkin, dieđán movttiidahttá buohkaid geat servet NATO- ja ON-operašuvnnaide.

Beaktilat ON-operašuvnnat
Faremo deattuhii ahte Norga oassálastá ON ráfioperašuvnnain danin go mii háliidit nannet ON návcca bisuhit riikkaidgaskasaš ráfis ja dorvvolašvuođa. 
- Doaibma Tsjadas čielgasit dovddaha Ráđđehusa áigumuša vuoruhit Norgga oassálastima ON-jođihuvvon ráfidoaimmain, ja earenoamážit deattuhit kapasitehtaid mat dagahit dákkár doaimmaid beaktileappot. Mun jáhkán ahte mii buohkat ovttamielalašvuođain cealkit ahte dan maid lehpet Tsjadas bargan juste lea dagahan ON-operašuvnna beaktileabbon. Ja iluin vásihat ahte operašuvdna maiddái lea lihkostuvvan – riidodássi dán guovllus lea sakka njiedjan, son dajai.

Loga Faremo olles sártni go deaddilat čujuhusa mii lea olgeš siidoravddas.

Govvideaddji: Taral Jansen, Suodjalusa mediaguovddáš

Govvideaddji: Taral Jansen, Suodjalusa mediaguovddáš