Buerie destie sjïdti eenergijelijrehtimmien muhteste Vaarjelimmesne

Vaarjelimmie lea njuvvienuhtjemem giehpiedamme 15 prosentinie, mij lea mahte seamma goh 4000 årroehsijjiej nuhjteme. Daelie vijrebe barkedh guktie eenergijenuhtjemem giehpiedidh.

Manne leam joekoen madtjeles goh Vaarjelimmiebigkeme jih Vaarjelimmie leah buektiehtamme eenergijem spååredh jih jïjnjem  dehtie eenergijenuhtjemistie jeahtjahtahteme orrestamme galtijidie, vaarjelimmieministere Grete Faremo jeahta.

Byjresken gielhtie jih jeananamme vuertemh enersjiåasaj gielhtie 2006:sne laavenjosteme tseegkesovvi Vaarjelimmiebigkemen jih Vaarjelimmien gaskemsh juktie eenergijenjoeteme jih eenergijegiehpiedimmie råajvarimmieh tjïrrehtidh. Sisnjelds goerehtalleme stoerre nuepiem vuesiehti guktie meehti bueriedidh, jih dannasinie programme tseegkesovvi eenergijelijrehtimmien gaavhtan Vaarjelimmesne, dåarjojne Enova SF:ste.

Raadtjoes eenergijenuhtjeme
Programme jïjnjh råajvarimmieh dæjpa guktie eenergijenuhtjemem jih –åasah giehpiedidh baahkedimmien jih tjoevkedimmien muhteste. Dihte lea dovne jeatjah njuvviemöölije jih termostaatestuvreme beajasovveme  jih barkijh leah ööhpehtimmiem tjïrrehtamme.

Programme galka tjirkedh juktie eenergije raadtjoeslaakan åtnasåvva jih gaajhk utnijh skreejredh jih haestedh eenergijem spååredh. Barkoe galka darjodh juktie Vaarjelimmie aalka orrestahteme eenergijem utnedh,  vuesiehtimmien gaavhtan åljan muhteste jih jeatjah gaaltijh mejtie ij gåaredh orrestehtedh.

Buerie destie sjïdti
Ulmie lea jeatjahtehtedh 75 Gwh eenergijenuhtjemistie dovne jeatjah åljeste jeatjah eenergijide mah leah buerie byjresken gaavhtan jih mejtie gåarede orrestehtedh, juktie biogiebnieh jih baahkepumph, jih 90 GWh njuvviem spååredh fierhten jaepien. Daate lea mahte seamma goh jaapetje njuvvienuhtjeme 4000 årroehsijjiej gaavhtan, jih lea medtie 15 proseente  Vaarjelimmien ellies eenergijenuhtjemistie.

Daah råajvarimmieh gelkieh tjåanghkan unniedimmiem deerjemistie vedtedh mij lea 57 000 tonnh CO2 fierhten jaepien.
Daan raajan eenergijelijrehtimmieprogramme lea dorjeme juktie eenergijenuhtjeme lea geahpanamme  78 GWh:ine, jih jeenjh baahkegoevtesh bioeenergijen jih baahkepumpi gaavhtan tseegkesovvin.

Beetnegh spååredh
Suehpeden 1. biejjien raajan 2010 lea åtnasovveme jeenebe goh 150 mill. kråvnah joekehts råajvarimmide mah leah tjoelmeme eenergijelijrehtæmman. Råajvarimmieh tjåanghkan spååremem vedtieh medtie 80 miljovnh kråvnaj åvteste fierhten jaepien. Daate vuesehte ahte dah viertieh mah leah åtnasovvme gelkieh maakseme gøøkte jaepien sisnie årrodh daanbeajjetje njuvvieåasan jih nuhtjemen gaavhtan.

Jalhts buerie destie sjïdti, gååvnese jeene mejtie gåarede bueriedidh. Juktie buerebe galka sjïdtedh, eenergijelijrehtimmieprogramme galka dovne jeatjah barkedh guktie eenergijeleakadimmieh gaavnedh, utniji vuekiem jeatjahtehtedh jih vijrebe bueriedidh stuvremesystemh tjoevken jih baahken gaavhtan.

Byjreskegoerehtalleme 2009: Byjreskevaarjelimmiebarkoe vaarjelimmiesurkesne.