Låhkoebïeljelimmiem sjeakodh

Vaarjelimmie barka aktene joekehts byøgkeles låhkoejgujmie ihke tjijremh gaavnedh guktie Vaarjelimmie vihties vuekien mietie maahta bieljelidh maam akt mij  tjeakas.

Dej minngemes jaepiej daah gïehtjedimmieh jïh låhkoeh leah jeananamme byøgkeles suerkien barkemen gaavhtan. Daah låhkoeh gelkieh gïehtjedimmiem bueriedidh jïh stuvremem siebredahken vïertiej  dïhre bueriedidh. Låhkoeh leah daerpies dovne skïemtjebeetnegh reeredh jih voeresibaalhkam maeksedh. Teknologihken evtiedimmien gielhtie gåarede daarjoem joekehts låhkojste tjøøngkedh jïh ovsjiehteles bïevnesh åadjtodh.

Maam akt tjirkedh jïh mij akt tjeakas
Goerehtallemedïenesje (G-dïenejse) ij utnieh daam daarjoem barkiji taalen bïjre  vihtiesvoetetsiehkesne  jallh daarjojne mij  viehtiesvoetelaaken åelesne. Tjeakasdaajroe lea daajroe mij galka mïerhkelgovvedh vihtiesvoetetsiehkine  § 11 vihtiesvoetelaaken mietie. Daajroe man bïjre soptsestimmie daennie aamhtesisnie, lea daajroe mij  ij galkh  byögkelesvoetese byögkelesvoetelaaken gaavhtan.

Læjhkan Vaarjelimmie daarpesje åesiem vaarjelidh dan sov darjomistie. Muvhth bïevnesh, mah oktegh eah dåeriesmoerine årroeh, maahta tjåanghkan bïejesovvedh jih stuerebe guvviem vedtedh. Vaarjelimmie dannasinie tjijremide vuartesje ihke tjirkedh daam mij galka tjeakas årrodh, læhjkan goh seamma aejkien lea daerpies bïevnesh bieljelidh.

- Ij gåaredh dååhkasjehtedh ihke bïevnesh mah eah galkh byögkelesvoetese  läjhkan byögkelesvoetese båetieh. Mijjieh tjabrebe tjïjremem gaavnedh ihke ii sjïdht naemhtie, Grete Faremo varjelimmieministere jeahta.

Teknihken tjijremh
Vaarjelimmie daajrohte daelie aktene låhkoejgujmie barka ihke teknihken tjijreme bïejesåvva bieljelimmien gaavhtan. Vaarjelimmiedepartemente lea Vaarjelimmieståvrojne, G-dienesjïnie, Jieleme- jïh åesiesdepartementinie, Brønnøysundlåhkojne, NAV:ine, Barkoevedtije- jih barkoevaeltijelåhkojne jih Statistihken voerngesgoevtesinie  tjåanghkenamme tjïelkestidh guktie daestie vijriebasse barkedh.  Hïjven govlesadteme lea aalkajamme Staaten voeresibaalhkakaassan jih Skaehtiedirektovraten gaskem ihke haestemh sotnen låhkoej gaavhtan tjijredh dallah.

G-dïenesjen  barkiji elliestaale gååvnese privaten dïenesjebuektiji luvnie Internedtesne, bïevnesh fijhkieh årrodh  daan raajan gosse buektijh jïjtjh veeljieh daam orrestehtedh.

Vijriebasse barkedh
Vaarjelimmie galka vijriebasse aamhtesinie barkedh, jih vuajna gumhtems haestemh daate teknologihken evtiedimmie buakta. Departemente galka vuartasjidh jis laaketjaeleme daam evtiedimmiem jaaksa jïh guktie daate nöörie elektronihken bïevnesh tjöönghkedh jih juekedh, jïh guktie sjädta gosse bïevnesh muvhten barkijen bïjre darjomistie tjåanghkan bïejesåvva jih raakte ellies guvviem vadta barkijen barkoetsiehkien jih fealadimmietsiehkien gielhtie jnv.

Daarjoe Stoerredägkan
Vaarjelimmieministere Grete Faremo lea daelie vaestiedamme Stoerredigkien vaaksjome- jih konstitusjovnedåehkien gyhtjelassh daan aamhtesen dïhre. Maahta prieviem lohkedh daesnie (pdf, 2Mb)