Giittii Mood Syria barggu ovddas

Suodjalusministtar Espen Barth Eide gudnejahtii generálamajora Robert Mood barggu ovddas, mas son jođihii ON dárkunjoavkkuid Syrias.

Generálamajora Mood čilgii otná preassačoahkkimis Suodjalusdepartemeanttas iežas Syria vásáhusaid ja riikkas čađahuvvon ON-operašuvnna. Son muitalii, ahte dárkuid bargu gáibidii ollu, go oasálaččaid gaskkas lei nu garra gealdagas.

Suodjalusministtar Espen Barth Eide lea sakka fuolastuvvan Syria dilis.

- Mii oaidnit, ahte veahkaváldi lassána ja ahte oasálaččat oaivvildit iežaset ávkašuvvat eanet dáistaleamis, go das ahte čuvošedje Kofi Annana guđa čuoggá plána, mii ovddida ráfálaš čovdosa. Fuolastumi lasiha maid dat, ahte máilmmi servodat ii nagot boahtit ovtta oaivilii dan hárrái, maid dilis galgá bargat.

Eide deattuha, ahte dárkunjoavkku bargu Syrias lei namalassii dárkut. Sis ii lean fápmudus eaige vearjjut, maiguin sii livčče sáhttán bargat maidege riidodiliin.
- Bargu čađahuvvui álggus gitta lohppii plána mielde, ja Robert Mood barggai hui buori barggu sihke joavkku ásahemiin ja dan jođihemiin, son deattasta.

Norggas leat ain moadde dárku Syria ON-operašuvnnas.