Turku – ustit ja lihtolaš

Suodjalusministtar Anne-Grete Strøm-Erichsen lea Turkus divaštallame ovdáneami riikka lagasguovlluin, nugo mot Syria dilli hálddašuvvo.

Suodjalusministtar Strøm-Erichsen ja Turku suodjalusministtar Ismet Yilmaz (Suodjalusdepartemeanta)

Son galleda turkalaš suodjalusministara Ismet Yilmaz juovlamánu 10.-11.beaivvi.

- Turku lea dehálaš oasálaš, sihke guovlulaččat ja viidát eurohpálaš perspektiivvas. Lagasvuohta Syriai ja viiddis rievdadusaiguin mat leat dáhpáhuvvan Gaska-nuorttis maŋemus guovtti jagis, dahká Turku dehálaš ovttasbargoguoibmin, dadjá suodjalusministtar.

- Turku lea dehálaš ja mávssolaš lihtolaš. Máŋggabealat oktavuohta gaskal Turku ja Norgga lea hui buorre. Mii leat goappešagat Nato guovllu boaittobealis, ja leat leamašan vuojeheaddjin dasa ahte Nato ain galgá leat beaktilis suodjaluslihttu.

NATO ráđđi lea dál mearridan nannet turkalaš áibmosuodjalusa patriot missiillaiguin. Dát dovddaha NATO-riikkaid solidaritehta Turkuin dákkár váttis dilis. Norga lea dorjon dán mearrádusa.

- Mun lean čilgen norgga lagasguovloálgaga váldolinjjáid birra ja deattuhan dárbbu oažžut áddejumi dán guovllu dillái. – dát lea šaddan áigeguovdil dilálašvuođa geažil mii Syrias lea. Patrio missiillain ii galgga leat offensiiva doaibma. Dat leat defensiivvat ja biddjojit dohko suddjen dihte Turku guovlluid, álbmoga ja ollu báhtareddjiid geat leat ohcan dorvvu turkalaš ráji bealde, dadjá Strøm-Erichsen.

- Mun lean hirpmahuvvan dainna mot Turku lea hálddašan Syria konflivtta, earenoamážit mot eiseválddit leat hálddašan daid ollu báhtareddjiid mat leat šávihan riikii. Lea buorre gullat ahte turkalaččaid mielas lea Norgga doarjja ja beroštusa čájeheapmi buorre.

Suodjalusministtar humai maiddái Afganistana nissoniid dili birra.

- Afghanalaš nissonat dárbbašit doarjaga. Seamma vuoigatvuođat ja árvvus atnin leat mearrideaddjin afghanalaš servodatovdáneapmái. Nissonat leat mearrideaddjin afghanalaš soabadeapmái, dadjá suodjalusministtar.