Finnmárkkus ja Oslos lea buozalmasjávkan eanemusat njiedjan ČB-áigodagas

Doavttirdieđihuvvon buozalmasjávkan Finnmárkkus ja Oslos lea njiedjan 25 ja 23 proseanttain 2001 goalmmát njealjádasjagis dán jagi goalmmát njealjádasjagi rádjai. Ovcci fylkkat leat dán áigodagas geahpidan doavttirdieđihuvvon buozalmasjávkama badjel 15 proseanttain.

– ČB-áigodaga buozalmasjávkama geahpideapmi, earret eará Finnmárkkus ja Oslos, lea hui illodahtti ja duođašta man dehálaš lea bargat vuogádatlaččat ja ulbmillaččat  vai olahat 20 proseanta geahpideami mihtu, dadjá bargoministtar Hanne Bjurstrøm.

– Doppe gos eanemusat leat čalmmustahttán ČB, leat čielgaseamos bohtosat, duođašta NAV-Finnmárkku fylkkadirektevra Nina Haugen.

Finnmárkkus lei jagi 2001 buot alimus doavttirdieđihuvvon buozalmasjávkan, já dál leat vihtta fylkka main lea stuorit buozalmasjávkan.

– Lea buorre ČB-bargu mii dan lea dagahan: jođánit ja dárkilit čuovvolan buohccindieđihuvvon olbmuid, seammás go bealálaččat leat ipmirdan mii sin rolla lea. Dát guoská sihke barggaheaddji, buohccindieđihuvvon, buohccidieđiheaddji ja NAV. Ráđđeaddit doaktárat leat e.e. bargat doaktáriid ektui fylkkain. Viidáset oaidnit ahte doppe gos eanemusat leat čalmmustahttán ČB, doppe maid leat olahan buoremus bohtosiid. Omd. lea Unjárgga ja Deanu gielddain leamašan hui buorre ovttasbargu gaskal bargoeallinguovddážiid, NAV-kantuvrraid ja gielddaid, dadjá NAV-Finnmárkku fylkkadirektevra Nina Haugen.

ČB-soahpamuša juksanmearri lea geahpidit oppalaš buozalmasjávkama 20 proseanttain, ja fylkkadási logut maidda čujuhuvvo guoská dušše doavttirdieđihuvvon buozalmasjávkamiidda.

Govus: Doavttirdieđihuvvon buohcanjávkama rievdadeapmi proseantameari mielde ássanfylkka ektui 2001 goalmmát njealjádasjagis 201 goalmmát njealjádasjagi rádjai. Geahča govvosa stuorit hámis 

gáldu: Bargo- ja čálgodirektoráhtta

Geahča eanet buohcanjávkanstatistihkaid nav.no siiddus