RÁĐĐEADDI / VUOSTTAŠKONSULEANTA –sadjásaš virgi

Sámi- ja minoritehtapolitihkalaš ossodagas lea ovddasvástádus ovddidit ja oktiiordnet ráđđehusa sámepolitihka ja ráđđehusa našuvnnalaš minoritehtaid politihka. Ráđđehusa politihkka sámiid ja našuvnnalaš minoritehtaid guovdu lea viidát ovttastuvvon ja fát­mmasta ee. gažaldagaid giela, kultuvrra, oassálastima, ealáhusaid, eananvuoigatvuođaid, areálasuodjaleami ja olmmošvuoigatvuođaid hárrái, nu maiddái riikkaidgaskasaš eamiálbmot- ja minoritehtavuoigatvuođaid. Ossodaga bargui gullá doallat viiddis oktavuođa eará ossodagaiguin ja departemeanttaiguin, ee. veahkehit ja sihkkarastit sámepolitihkalaš ja minoritehtapolitihkalaš ulbmiliid vuhtiiváldima politihka hábmemis iešguđet surggiin.

Barggut

• Virggi ovddasvástádus lea ee. čuovvolit rievttálaš ja sámi-/minoritehtapolitihkalaš gažaldagaid láhka- ja njuolggadusáššiin iešguđetge departemeanttaid bargosurggiin, nu maiddái barggut hálddašit sámelága ja Sámedikki válggaid láhkaásahusa. 
• Virggi ovddasvástádussii gullet maiddái muhtin rikkaidgaskasaš áššit eamiálbmotsuorggis ja minoritehtasuorggis. Veahá mátkkošteapmi gullá virgái. 
• Sadjásaš virgái sáhttet maiddái biddjot eará barggut mat gullet ossodaga bargoviidodahkii.

Persovnnalaš iešvuođat ja gálggat
Gáibidit buriid ovttasbargonávccaid, buori čálalaš ja njálmmálaš ovdanbuktinmáhtu, buori rollaáddejumi áššemeannudeaddjin departemeanttas, heivehanmuni, návcca ceavzit stuora bargodeattuin, ja návcca johtui oažžut bargguid ja bargat iešheanalaččat. Ohccit galget hálddašit njálmmálaš ja čálalaš eŋgelasgiela. 

Bargodilálašvuođat
Virgeviidodat: 100%. Sadjasaš virgi sullii 9 mánu.

Gelbbolašvuohta

• Ohcat vuosttažettiin olbmo geas lea juridihkalaš ámmáteksámen dahje mastergráda riektediehtagis. Ohccit geain lea eará alitoahppu eamiálbmot- ja/dahje minoritehtavuoigatvuođain sáhttet maiddái árvvoštallojuvvot. 
• Deattuhuvvo heivvolaš bargoduogáš almmolaš hálddašeamis ja bargohárjáneapmi sámi áššiin, eamiálbmotrievttálaš áššiin dahje minoritehtarievttálaš áššiin, riika siskkobealde dahje riikkaidgaskasaččat. Olbmot geat aiddo leat oahpu gergehan ja geain lea erenoamáš heivvolaš oahppoduogáš sáhttet árvvoštallojuvvot.

Mii fállat
Bálkáceahkki: 45-55 (ráđđeaddi), dahje. 40-44 (vuosttaškonsuleanta)

Stáhta berošta máŋggabealátvuođas ja mii ávžžuhit gelbbolaš ohcciid ohcat stáhtas barggu beroškeahttá agis, sohkabealis, doaibmanveajuin, našuvnnalaš dahje čearddalaš duogážis. Ohccit galget almmuhit hálddašit go goappaš dárogielaid. AID lea IA-ásahus ja bargodilli heivehuvvo mieldebargiide geain lea vuoliduvvon doaibmanveadju. Ohccit geat oidnosii buktet iežaset vuoliduvvon doaibmanveaju bovdejuvvojit bargojearahallamii jus leat gelbbolaččat virgái. AID lea mielde geahččalanortnegis mas galgá govttolaš meari mielde kvohteret olbmuid geain lea ii-oarjemáilmmi sisafárrejeaddjeduogáš. Danne mii erenoamážit ávžžuhit ohcat virgái olbmuid geain lea ii-oarjemáilmmi sisafárrejeaddjeduogáš ja minoritehtaduogáš ja namuhuvvon gelbbolašvuohta.

Eambbo dieđuid oaččut go válddát oktavuođa deike: Ossodatdirektevra Bjørn Olav Megard, tlf. 22 24 70 31. Ohcamat merkejuvvon 08SAMI01 sáddet áinnas elektrovnnalaš vugiin čujuhussii www.jobb.dep.no/aid, dahje poasttas: Arbeids- og inkluderingsdepartementet, Same- og minoritetspolitiskavdeling, postboks 8019 Dep, 0030 Oslo, ovdal geassemánu 2. beaivvi.