Tjielgas la dálla Divtasvuona suohkan sæbrrá sámegiela háldadusguovlluj ådåjakmáno 1. biejve rájes boahtte jage. 3 miljåvnå kråvnå biejaduvvi adnemláhkáj Divtasvuona suohkanij ja Nordlánda fylkkasuohkanij álggojagen. Sámedigge le dudálasj tjoavddusijn.

- Mån lav dudálasj gå lip gávnnam ekonomalasj tjoavddusav dán ássjáj. Dát la vuostasj bálle gå soames suohkan nuorttasáme gielladáfo ålggolin boahtá dán årniga vuolláj, ja dat la ájnas lávkke julevsámegiela åvddånahttema ja bisodime diehti, javllá barggo- ja sosialminister Bjarne Håkon Hanssen.