Musiidu maid sámegillii
Historjjálaš arkiiva
Almmustahttináigodat Regjeringen Stoltenberg II
Almmustahtti: Bargo- ja searvadahttindepartemeanta
Preassadieđáhus | Almmustahtton: 19.12.2006 | Maŋimuš ođasmahttojuvvon: 07.01.2007
- Munnje lea somá go Musiidu interneahttabálvalus maid lea sámegillii, dadjá stáhtačálli Berit Oskal Eira go ođasmahttin- ja hálddašandepartemeanta ikte rabai ođđa elektrovnnalaš bálvalusa geavaheddjiide.
Preassadieđáhus
Nr.: 153
Beaivi: 19.12.06
Musiidu maid sámegillii
- Munnje lea somá go Musiidu interneahttabálvalus maid lea sámegillii, dadjá stáhtačálli Berit Oskal Eira go ođasmahttin- ja hálddašandepartemeanta ikte rabai ođđa elektrovnnalaš bálvalusa geavaheddjiide.
Musiidu addá vejolašvuođa buot olbmuide min riikkas oažžut sierra siiddu mas fállat almmolaš bálvalusaid elektrovnnalaččat ja olbmot besset gulahallat almmolaš hálddahusain. Geavaheaddji sáhttá dieđihit fárrema, oažžut ođđa fástadoaktára, ohcat mánáidgárdesaji, rievdadit vearrokoartta ja olu eará almmolaš bálvalusaid – ovtta ja seammá siiddus. Musiidu addá maid geavaheaddjái vejolašvuođa geahčadit almmolaš dieđuid iežas birra mat gávdnojit almmolaš registariin. Dieđuid Musiidu birra ja PIN-koda vai beasat siidui sáddejuvvo dáid beivviid 4 miljovnna olbmui.
Sámegielat Musiidu almmuhuvvui seammas go dárogielat versovnnat sihke girjegillii ja ođđadárogillii, ja maid eŋgelas versovdna. Sámegielat siiddut galget dađistaga viiddiduvvot.
-Ná joatká ráđđehusa ollašuhttit mihttomeari ahte eambbo almmolaš bálvalusat sámegillii, dadjá Berit Oskal Eira.