Nanne bálvalusfálaldaga sámi geavaheaddjiide

NAV-ođastus lea dehálaš ođastus mii mearkkaša ollu sámi geavaheaddjiide ge. Etáhta addodagat ja vuoigatvuođat leat dat dieđut mat dávjjimusat jearahuvvojit nav.no:s, ja danne dat galget leat gávdnamis sámegillii.

-Bargo- ja čálgodirektevra lea dáhkidan munnje ahte etáhta áigu dán čuovvolit vuogádatlaččat, ja ahte Bargo- ja čálgoetáhta áigu oktilaččat dieđihit kártema ja čuovvoleami. Mun deattuhan viidáseappot ahte Bargo- ja searvadahttindepartemeantta politihkalaš njunnožiin galgá leat gulahallan Sámedikkiin dán birra, dadjá stáhtaráđđi.

-Lean dál 2008 juolludanreivves Bargo- ja čálgodirektoráhtii deattuhan ahte sámegielfálaldat galgá ovttaiduvvot buot bargui, dadjá stáhtaráđđi.

Vuođđun lea biddjijuvvon:

• Bargo- ja čálgoetáhta galgá doahttalit sámi ja sámegielat geavaheaddjiid sihke sámegiela hálddašanguovllu siskkobealde ja olggobealde.
• Sámegiela hálddašanguovllu siskkobealde galget sámelága giellanjuolggadusat čuovvoluvvot.
• Etáhta galgá bargat dan ala ahte dat dieđut mat dávjjimusat jearahuvvojit nav.no:s, namalassii etáhta addodagat ja vuoigatvuođat, galget leat gávdnamis sámegillii, seammás go lágaid ja láhkaásahusaid jorgaleapmi sámegillii čuovvoluvvo oktilaččat.
• Go ođđa NAV-kantuvrrat ásahuvvojit dakkár gielddain main lea sámi álbmot, de galgá gelbbolašvuođadárbu sámi gielas ja kuvltuvrras árvvoštallojuvvot erenoamážit.
• Bargo- ja čálgoetáhta galgá čađahit dakkár vuogádatlaš geavhaheaddjiiskamiid, mat maiddái addet dieđuid geavaheaddjiid birra geain lea sámi duogáš.
• NAV Finnmárku lea ásahan bargojoavkku mii galgá guorahallat Ávjovári eamiálbmotguovlllu erenoamáš dárbbuid ja geiget raportta maŋimusat 01.07.08.

-Mii fertet dál čalmmustahttit sámegiela geavaheami almmolaš hálddahusain. Muhto ovdalgo sáhtán moaitit hálddahusaid muđui, de mii fertet čorget iežamet dálu, dadjá bargo- ja searvadahttinministtar Bjarne Håkon Hanssen.