Lihkkosávaldagat The BlackSheeps:ii

- Stuorra buorášemiin, iluin, ja erenoamážit ceavláivuođain go lean Unjárgga sápmelaš, sávan lihku The BlackSheeps:ii vuoittuin Århusas, dadjá Bargo- ja searvadahttindepartemeantta stáhtačálli Raimo Valle.

- Dat goo ná nuorra musihkkárat ráhkadit ja ovdanbuktet musihka mas lea dákkár kvalitehta, lea movttiidahtti buorre, dadjá Valle.

- Dat go The BlackSheeps válljejedje ovdanbuktit oasi teavsttas sámegillii, dagahii ahte lávlla šattai vel buoret ja gelddoleabbon. Go lávlla dan lassin lea nu bures váldojuvvon vuostái hit-listtain, de lea joavku váikkuhan hirbmat bures dasa ahte sámegiella gullo almmolaččat, sámegiella lea njulgestaga šaddan čaffat! Mun sávan beassat gullat eanet dán joavkkus, ja áinnas ge sámegillii, dadjá stáhtačálli.