Ođđa sámi ofelaččat

Golbma ođđa sámi ofelačča oahpásmahttojuvvojedje bearjadaga Márkomeannu sámi festiválas Evenáššis Nordlánddas.

Sii leat Kristine Marie Inga/Risten Márja Inga, 19 jahkásaš sortlándalaš, Ina-Ristin Danielsen Gundersen, 20 jahkásaš hellalaš ja Ul-Juhan Partapuoli, 20 jahkásaš deatnulaš.

- Ahte mis leat dieđut guhtet guimmiideamet birra ja sierranas kultuvrraid iešlági birra, lea mearrideaddji dehálaš go mii geahččalit ovddidit dakkár servodaga man olbmot girdet ja gudnejahttet guhtet guimmiideaset. Dán barggus lea sámi ofelaččain hui dehálaš doaibma, dadjá Bargo- ja searvadahttindepartemeantta stáhtačálli Raimo Valle. 

 

 
Ođđa sámi ofelaččat: Kristine Marie Inga/Risten Márja Inga, Ul-Juhan Partapuoli ja Ina-Ristin Danielsen Gundersen.

Golmma ofelačča bargu lea juohkit dieđuid sámekultuvrra birra ja váikkuhit olbmuid nu ahte sii ožžot buriid miellaguottuid sámekultuvrii. Ofelaččat galget johtit joatkkaskuvllaid mielde miehtá riikka ja juohkit dieđuid sámi kultuvrra, historjjá ja servodatdiliid birra.  

Ođđa ofelaččat leat viđat ofelašjoavku dan rájes go prošeakta álggahuvvui jagi 2004. Dat skuvllat maid ofelaččat leat galledan, leat ofelaččaid ja sin ságaid bures váldán vuostá. Dan duođašta árvvoštallan mii čađahuvvui jagi 2007.   

- Ráđđehus lea prošeavtta buriid vásáhusaid vuođul mearridan ofelaččaid bistevaš doaibmabidjun jagi 2008 rájes, dadjá stáhtačálli Raimo Valle.

Eanet dieđut: www.samiskeveivisere.no