710 miljovnna NAV:i

Doaibmabušeahtta lassanan 710 miljovnnain, álkit beaiveruhtameannudeapmi, fuopmášahtti organisatuvrralaš doaibmabijut ja lassáneaddji stivren ja siskkáldas dárkkisteapmi leat váldočuoggát stuoradiggeproposišuvnnas Bargo- ja čálgoetáhta birra man ráđđehus odne almmuha.

– Mii ferte dáhkidit ahte olbmot ožžot buvttuid rivttes áigái. Evttohuvvon doaibmabijuiguin mii dagahit ahte NAV nákce ollášuhttit mearriduvvon ulbmiliid ja mii nannet etáhta dálá dilis go bargguhisvuohta lassána, dadjá stáhtaráđđi Dag Terje Andersen.

Maŋimus jagi lea ulbmilollášuhttin guovddáš surggiin leamašan beare heitot. Dát guoská buvttuidmeannudeapmái, olahahttivuohta telefovnna bakte ja čuovvoleames olbmuid geat ožžot dearvvašvuhtii guoski buvttuid.

– Proposišuvnnain addo Stuoradiggái čohkkejuvvon ja ollislaš diehtu Bargo- ja čálgoetáhta dili birra ja makkár hástalusat etáhtas leat, dadjá stáhtaráđđi.

Doaibmabijut mat dál evttohuvvojit, sáhttá juohkit njealji joavkkuide:

• Soames ođastusaid maŋiduvvon čađahanáigemearri,
• Rievdadusat njuolggadusain mat geahpidit áššemeannudanáiggi,
• Organisatuvrralaš doaibmabijut ja gealbodoaimmat,
• Etáhta nannemis veagalaččat.

 Soames ođastusaid maŋiduvvon čađahanáigemearri

• Álggaheames bargočielggadanruđaid  ja bargonávccaárvvoštallama ja doaibmaplána maŋiduvvo 2010 njukčamánu 1.beaivái. Bargonávccaárvvoštallama metodihkka sáhttá adnot doppe gos vejolašvuohta lea láhččojuvvon.

 Njuolggadusaid rievdadeapmi mii geahpida áššemeannudanáiggi

• Daid oktavuođain go lea ballu ahte beaiveruđaid áššemeannudanáigi guhku, de Bargo- ja čálogodirektoráhtta oažžu válddi álkidit áššemeannudeami.
• Dat áigodat man guhká sáhttá oažžut áigeráddjekeahtes lámisoaju ja veajuiduhttinruđaid go lea vuordimin  lámisoaju mearrádusa guhkiduvvo.

 Organisatuvrralaš doaibmabijut ja gealbodoaimmat

• Árvvoštallat ovddasvástádusa iešguđege hálddašandásiid gaskkas  dainna áigumušain ahte čađahit dárbbašlaš álkidemiid ja buoridemiid, dákko bakte árvvoštallat surggiid mas ovttasvástádusa gaskal NAV-kantuvrraid ja hálddašanovttadagaid berre muddet.
• Prošeavtta ulbmiliin lea almmustahttit ja jávkadit eahpedoaibmi vieruid ja álkidit doaibmi vieruid.
• Nannet oahpahusdoaimmaid hálddahusas.
• Ásahit sorjjasmeahttun geahččalanbirrasa DGT-doaimma várás vai lasiha stáđisvuođa DGT-vuogádagain ja dáhkida dássedis áššebuvttadeami.
• Láhččet beaktilis telefovdnačovdosiid ja buoret elektrovnnalaš iešhálddašančovdosiid.

Dáid doaibmabijuid čađaha Bargo- ja čálgoetáhtta.

Nannemis Bargo- ja čálgoetáhta  resurssaid

Bargo- ja čálgoetáhta doaibmajuolludeapmi evttohuvvo lasihuvvot oktiibuot 710 miljovnna ruvnnuin. Lassáneapmi juhkkojuvvo čuovvovaš váldosurggiide:

• Sullii 430 milj. ruvnno juolludeamis lea dárbbašlaš vai etáhtta oppalaččat galgá sáhttit bisuhit bargiidveaga 2009 álggus ja máksimis liigegoluid go Stáhta penšuvdnakássa dáhkádusmáksu lea lassanan.
• Sullii 80 milj. ruvnno doaimmaide mat galget dáhkidit dorvvoleabbo doaimma etáhta DGT-vuogádagas.
• Sullii 200 milj. ruvnno vai nagoda dustet vurdojuvvon boahttevaš lassáneaddji bargguhisvuođa.

Lassin dása evttohuvvo ahte juolludeapmi departementii lassána 3 milj. ruvnnuin vai nanne departemeantta vejolašvuođa dárkkistit ja čuovvolit Bargo- ja čálgoetáhta.

– Dáid doaimmaiguin mii nannet NAV-ođastusa čađaheami, ođastus masa lea govdadit politihkalaš ovttaoaivilvuohta, dadjá stáhtaráđđi Dag Terje Andersen.

 

Neahtta-TV 
Preassakonferánsa Stuorradiggeproposišuvnna Bargo- ja čálgoetáhta birra Neatta-TV:s