Boazodoalu riikkaidgaskasaš fága-ja gaskkustanguovddáža ođđa stivra

Ođasmahttin-, hálddahus –ja girkodepartemeanta ovttasráđiid Boazoolbmuid máilmmilihtuin lea nammadan ođđa miellahtuid Boazodoalu riikkaidgaskasaš fága-ja gaskkustanguovddáža stivrii Guovdageainnus.

Ođđa stivra:

Jođiheaddji: 
Johan Mathis Turi, Boazoolbmuid máilmmilihttu

Eará miellahtut: 
Roza Laptander, Boazoolbmuid máilmmilihttu
Vladimir Etylin, Reindeer Herders’ Union of Russia
Berit Marie Eira-Jonsson, Sámeráđđi ja Ruoŧa Sámiid Riikkasearvi
Jan Henry Keskitalo, The University of the Arctic
Elen Ánne Sara, Suoma Boazosámit rs

Várrelahtut:
Marit Breie Henriksen, Sámi allaskuvla/Sámi University College
Monica Alterskjær Sundset, Tromssa Universitehta
Juha Magga, Suoma Boazosámit rs
Michael Pogodaev, Boazoolbmuid máilmmilihttu

 
Miellahtut leat válljejuvvon guoskivaš institušuvnnaid evttohusaid vuođul, ja stivra lea nammaduvvon njealji jahkái.

Boazodoalu riikkaidgaskasaš fága-ja gaskkustanguovddáš ásahuvvui 2005:s. Guovddáža bargun lea bisuhit ja ovddidit nanu boazodoalu davviguovlluin ja nannet boazoolbmuid ovttasbarggu. Guovddáš galgá čohkket boazodollui gullevaš gelbbolašvuođa ja gaskkustit dieđuid ja dokumentašuvnna diliid birra mat leat mávssolaččat boazodoalu eavttuide, kultuvrii ja ekologiijai.

Ođasmahttin-, hálddahus –ja girkodepartemeanta lea suoidnemánu 1. beaivvi 2010 mearridan ođđa njuolggadusaid Boazodoalu riikkaidgaskasaš fága-ja gaskkustanguovddážii.

Njuolggadusat - Riikkaidgaskasaš boazodoalloguovddáš (PDF)