slettmeg.no lea almmuhuvvon

Buohkat guđet gávdnet sávakeahtes dieđuid iežaset birra interneahtas, sáhttet dál váldit oktavuođa Dáhtabearráigeahču ođđa bálvalussii slettmeg.no oažžun dihtii rđiid ja rávvagiid.

Bálvalusa almmuheigga Dáhtabearráigeahču direktevra Georg Apenes ja ođasmahttinministtar Rigmor Aasrud ikte. – Mun lihkuhan min buohkaid. Mun jáhkán ahte olut ožžot buori veahki dán bálvalusas ja mun jáhkán oluin šaddá dárbu dasa. Dat šaddá hui dehálaš reaidun hui ollu olbmuide, cealká Aasrud.

Slettmeg.no galgá addit ráđiid ja rávvagiid olbmuide sierra neahttasiidduin, telefovnnain, e-poasttain ja čáhttemiin. Neahttasiiddus gávnnat dieđuid das maid galggat dahkat go háliidat sihkuhit persovdnadieđuid neahtas. Das maid gávnnat visogovalaš logahallama dain lágain ja njuolggadusain mat gustojit neahttaalmmuheapmái. Dasto bálvalus sáhttá maiddái veahkehit čielgasa oažžut leat go nehttii almmuhuvvon diehtu (govat, teaksta, jietnafiillat) lágalaččat lobálaččat vai eai. Bálvalus lea guovttejahkásaš geahččalanprošeakta maid Dáhtabearráigeahčču jođiha ja Ođasmahttin-, hálddahus- ja girkodepartemeanta ruhtada. 

Duohtadieđut slettmeg.no birra
Slettmeg.no lea boađus das go ráđđehus čuovvola Persovdnasuodjaluskommišuvnna raportta ”Individ og integritet: Personvern i det digitale samfunnet” (NOU 2009: 1).
Slettmeg.no lea álkit geavahahtti fálaldat olbmuide guđet dovdet iežaset gudnehuhttejuvvon neahtas. Áigumuš bálvalusain lea addit ráđiid ja rávvagiid das mo galgá sihkuhit almmuhuvvon sávakeahtes persovdnadieđuid mat leat neahtas. Dat sáhttet leat dieđut maid olmmoš ieš lea bidjan nehttii ja maid olmmoš maŋŋá háliida eret válddihit, dahje dat sáhttet leat dieđut maid earát leat bidjan nehttii. Bálvalusas galgá lea neutrála miellaguoddu oktavuođaváldimiidda. Slettmeg.no ii galgga doaibmat morarálaččat čuiggodeaddjin daid avdnasiid ektui mat leat almmuhuvvon nehttii, muhto baicce dušše addit nu objetiiva ráđiid ja rávvagiid go vejolaš buohkaide geat daid háliidit. 

Slettmeg.no sáhttá addit dákkár veahki:

• Ráđiid ja rávvagiid das mo lea vejolaš sihkuhit/rievdadahttit sávakeahtes persovdnadieđuid mat leat Interneahtas. 
• Ráđiid das makkár vuoigatvuođat ja lágat gustojit. 
• Geavatlaš veahki oažžut oktavuođa neahttabálvalusaide ja daidda geain lea ovddasvátádus ahte gudnehuhtti ávdnasat leat biddjojuvvon nehttii. 
• Veahki deavdit váidalusskoviid ja dakkáraččaid mat leat gávdnamis sierranas neahttabálvalusain. 
• Veahki geavahit sihkkunbálalusaid maiguin olmmoš ieš sáhttá čađahit sihkkumiid (ovdamdarkka dihtii Googles webpage removal request tool).
• Veahki sihkkut gielis/sávakeahtes profiillaid sosiála neahttaservodagain. 
• Addit ráđiid ja fuomášuhttit eará áššáigullevaš doaibmiid/organisašuvnnaid mat sáhttet addit eará veahki. 

Dán ii sáhte slettmeg.no dahkat:

• Meannudit áššiid ja dahkat mearrádusaid
• Dáhttut dieđuid sihkkut dahje ieš sihkkut dieđuid Interneahtas.

Slettmeg.no:

• Slettmeg.no fidnet ságaide Interneahtain, čáhttemiin , e-poasttain ja telefovnnain.
• Telefonnummir lea 22 39 69 90 ja e-poastačujuhus lea hjelp@slettmeg.no.
• Telefonáigi lea vuosárggas bearjadahkii dii. 10 – 18.
• Slettmeg.no bálvalit Dáhtabearráigeahčus guokte rávvejeaddji.