Norga – digitála riika máilmmenjunnošis

EU lea analyseren Norgga digitála riikan. Loahppajurdda lea čielggas ođđa raporttas: Norga lea máilmmi njunušriika go lea sáhka govdafierpmádaga lávdadeamis, interneahttageavaheamis ja dásseárvosaš searvamis digitála servodahkii. 

- Rámi oažžut iskkadallamis lea dieđusge hui somá. Mun lean rámis go mis Norggas lea searvadeaddji diehtojuohkinservodat mas elektruvnnalaš bálvalusat geavahuvvojit ollu. Seailluhan dihtii ja ovddidan dihtii čálgoriikamet mii fertet váldit atnui DGT (IKT) eanet surggiin ja čeahpit vugiiguin, cealká ođasmahttinministtar Rigmor Aasrud.

EU-raportta namma lea ” Europe’s Digital Competitiveness Report” ja dat válddahallá DGTa geavaheami Eurohpa riikkain ja maiddái Norggas. Raporta lea almmolaš viđajagi guorahallan mas EØS- ja EU-rikkaid DGT-láddan guorahallojuvvo. Statistihkalaš Guovddášdoaimmahat lea Norgii gulli loguid dehálaš skáhppojeaddji, ja Ođasmahttin-, hálddahus- ja girkodepartemeanta lea fas ruhtadan barggu.

Norgga analysas riikan lea ollu rápmi:

• Norga lea njunnošis das mii guoská interneahta olámuddui, ja govdafierpmádagas lea alla gokčandássi. Dušše Ruoŧas ja Islánddas lea eanet ruovttuin govdafierpmádat. Árppohis govdafierpmádat ja 3G geavahuvvojit eambbo Norggas go dat mii lea gaskamearri EUs. 86 proseanttas Norgga ássiin lea Interneahttaoktavuohta, ja 42 proseanttas lea vejolašvuohta beassat árppohis neahttafierpmádahkii go sii eai leat ruovttus ja bargobáikkis.
     
• Norga lea máilmmenjunnošis interneahttageavaheamis, sihke dávjodaga ja doaibmašlája dáfus. 76 proseantta ássiin geavahit Interneahta beaivválaččat ja 77 proseanttas ássiin lea neahttabáŋku.
    
• Norga lea buoremus bođu riika go lea sáhka digitála searvadeamis, mas buot joavkkut servet diehtojuohkinservodahkii. Erenoamážit Norgga boarrásat leat viššalat ja čeahpit neahttageavaheaddjit go boarrásat eará riikkain.

Loga eambbo: 

• Raporta Europe’s Digital Competitiveness Report (pdf, eŋgelasgillii)
• Guorahallojuvvon riikkaid válddahallan (pdf, eŋgelasgillii)