Sámeministtar galleda Finnmárkku

Ođasmahttin-, hálddahus- ja girkoministtar Rigmor Aasrud válddii golggotmánus badjelasas ovddasvástádusa sámepolitihkas. Dál son lea gearggus fitnat Finnmárkkus oahppat sihke sámi ja eará áššiin birra mat gusket sihke Finnmárkui ja su ovddasvástádus surggiide. Stáhtaráđđi lea Finnmárkkus sotnabeaivvi ođđajagimánu 31.beaivvis disdaga guovvamánu 2.beaivái.

- Mun illudan galledit Finnmárkku ja vuosttaš geardde fitnat sámi guovlluin sámepolitihka ovddasvástideaddji stáhtaráđđin. Lassin dehálaš čoahkkimiidda ja galledemiide sámi ásahusain lea munnje dehálaš deaivvadit fylkkamánniin, áigeguovdilis suohkaniiguin ja girkuin mii maiddái gullá mu ovddasvástádussuorgái, dadjá Rigmor Aasrud.

Stáhtaráđi Finnmárkku-mátkis lea mielde su departemeanta olles politihkalaš jođihangoddi. Mielde stáhtaráđi joavkkus lea maiddái ođasmahttin-, hálddahus- ja girkodepartemeanta departemeantaráđđi ja mielbargit.

Galledeami oktavuođas lea oahpisteapmi Sámedikki visttis, Diehtosiiddas (Sámi diehtosiiddas) ja Sámi allaskuvllas. Maiddái lea láhččojuvvon sadji moanat čoahkkimiidda sihke Kveana instituhtain, fylkkamánniin ja guoskevaš suohkaniiguin. Mátki oktavuođas stáhtaráđđi galleda Porsáŋggu, Kárášjoga, Guovdageainnu ja Álttá suohkaniid. Galledeapmi loahpahuvvo Álttás gos čoahkkinastet bismmain, Sámi girkoráđiin, Finnmárkkuopmodagain ja Boazodoallohálddahusain.

- Álttás lea maiddái ráddjejuvvon sadji čoahkkimiidda báikkálaš ja guovlulaš ovddasteddjiiguin main fáddán lea bargosajit, ealáhusovdáneapmi ja árvolassáneapmi. Dát lea oassin daid doaimmain maid stáhtaministtar ovddidii  ođđajagi sártnistis. Ráđđehussii lea dehálaš oaččuhit govdadit digaštallama boahtteáiggi birgejumi birra. Mun gal jáhkán ahte maiddái Finnmárkkus leat olbmot, fitnodagat ja birrasat geain livčče buori jurdagat ja oaivilat dán barggu hárrái, dadjá Aasrud.

Priváhta doaimmahussii:

Preassagulahalli stáhtaráđi ovddas Finnmárkku mátki oktavuođas lea gulahallanhoavda Frode Jacobsen, telefovdna 995 23 495. Mediat leat bures boahtin čuovvut galledeami. Eanet dieđuid oažžumis ja šiehtadit deaivvadeami, váldde oktavuođa.

Stáhtaráđđi prográmma Finnmárkku mátki oktavuođa lea ná (prográmma sáhttá rievdat):

Sotnabeaivvi ođđajagimánu 31.b. – Leavnnjas:
Boahtin Bissujohkii sullii. dii. 19.15. Čoahkkin Fylkkamánniin, Porsáŋggu sátnejođiheddjiin ja Kveana instituhtain. Vuolgga Leavnnjas sullii diibmu 22.00, sáhtosteapmi Kárášjohkii.

Mánnodaga guovvamánu 1.b. – Kárášjogas ja Guovdageainnus:
9.00 – 11.00: Čoahkkin ja oahpisteapmi Sámedikki visttis.
Sullii dii. 11.15 – 13.15: Čoahkkin fylkkamánniin ja Kárášjoga, Porsáŋggu ja Unjárgga sámi gielddaiguin.
Sullii dii. 14.30: Vuolgga Kárášjogas, sáhtosteapmi Guovdageidnui. Bussemátkis muitalit e.e. sámi dearvvašvuođadutkama guovddáš bargguset birra, fylkkamánni rádjerasttildeaddji ovttasbarggu birra, ja Steinar Pedersen ges oppalaččat muitala dihto áššit birra.
Sullii dii. 17.30 – 19.15: Diehtojuohkin ja oahpisteapmi Diehtosiiddas (Sámi diehtosiiddas).
Sullii dii. 19.15 – 19.45: Čoahkkin Sámi allaskuvllain.

Disdat guovvamánu 2.b.– Álttás:
08.15: Vuolgga Guovdageainnus Áltái. Sii galledit Sorrisniva olgunastinpárkka. Álttá sátnejođiheaddji searvá bussemátkái ja muitala suohkana birra.
Sullii dii. 10.30 – 11.15: Čoahkkin Finnmárkkuopmodagain.
Sullii dii. 11.15 – 12.00: Čoahkkin boazodoallohálddahusain.
Sullii dii. 12.00 – 14.30: Stáhtaráđđi čoahkkinastá báikkálaš ja guovlulaš ovddasteddjiiguin mas deattuhit čuovvovaš fáttáid: Bargosajit, ealáhusovdáneapmi ja árvolassáneapmi.
Sullii dii. 15.00 – 16.00: Čoahkkin Álttá suohkaniin iešguđet sámepolitihkalaš hástalusaid birra.
Sullii dii. 16.00 – 17.15: Čoahkkin Sámi girkoráđiin ja ráđi váldočálli Tore Johnsenin ja Davvi Hålogalándda bismmagotti bismmain Per Oskar Kjølaasain.

 

__________

Ingressbildet: Kautokeino (guovdageaidnu) av csant. Tilgjengelig under BY-NC-SA 2.0 Lisens.