- Ollu buoridanmunni e-hálddašeames

Ođđa EO-raportta mielde Norgga e-hálddašeapmi lea gaskadásis.

Ovddit iskkadeami rájes leat buot suorggit ovdánan, muhto elektrovnnalaš bálvalusat ovdánit johtileappot EO siste go Norggas. Norggas leat čeahpit ordnet bálvalusaid ealáhusaide, muhto oalle gaskadásis ássiid bálvalusaid buohta, ja erenoamážit dakkár čovdosiin, main geavaheaddji lea váldun. Erenoamážit ássiide láhččojuvvon e-dearvvašvuođabálvalusaid guovdu lea Norga viehka ollu Eurohpá njunušriikkaid maŋábealde.

- Norgga hálddahus galggašii leat máilmminjunnošis – ja dalle mii fertet leat njunnošis maiddái DGT:s. Danin mii áigot johtileappot ovddidit elektrovnnalaš bálvalusaid. Leat ovddideamen alla sihkkarvuođadási elektrovnnalaš ID, ja bargu addigoahtá jo bohtosiid. Dainna čoavdagiin sáhttá erenoamážit dearvvašvuođasuorgi fállagoahtit ođđa elektrovnnalaš bálvalusaid ássiide. Mun vuorddán ollu ja buoret almmolaš elektrovnnalaš bálvalusaid lagamus jagiid, ođasmahttinministtar Rigmor Aasrud dadjala.

EU- raporta ii atte ollislaš árvvoštallama ovttaskas riikka sajádagas, muhto gieđahallá máŋga suorggi. 32 riikka leat iskkaduvvon geassit ja čakčat 2010.

Bajilčállagiid dásis Norgga bohtosat leat dát:

• 20 vuođđobálvalusa olámuttos: 16. sadji
• 20 vuođđobálvalusa láddan: 18. sadji
• Almmolaš neahttasiidduid ja neahttauvssohiid geavaheaddjivásihus: 22. sadji
• Eallindilli ”Massit barggu”: 11. sadji
• Eallindilli ”Álggahit fitnodaga”: 5. sadji
• Almmolaš háhkamiid e-gávppašančovdosa oidnon: 12. sadji
• Almmolaš háhkamiid elektrovnnalaš proseassa: 5. sadji

Raportta Digitizing Public Services in Europe: Putting ambition into action leat ráhkadan CapGemini Rand Europe, IDC, Sogeti ja DTi EO-kommišuvnna beales.