Áigu iskat korrupšuvdnariskka Norggas

Stáhtaráđđi Rigmor Aasrud áigu diehtit eambbo dan birra mot almmolaš hálddašeapmi meannuda korrupšuvdnariskka. Ođasmahttin-, hálddahus-, ja girkodepartemeanta juolluda 705 000 ruvnno korrupšuvdnariskka iskkadeapmái man Transparency International čađaha. 

- Korrupšuvdna billista riikkas ekonomiija, ja máŋga eaŋkilášši leat čájehan ahte Norga ii leat korrupšuvnna haga. Mun gii lean stáhtaráđđi, geas lea ovddasvástádus hálddašanetihkkii, almmolaš oastimiidda ja stáhtalaš bargoaddipolitihkkii, dárbbašan máhtolašvuođa korrupšuvnna ja korrupšuvdnariskka birra norgga hálddašeamis, dadjá Rigmor Aasrud. 

Iskkadeapmi bajásčuvge earret eará čađaheaddji, láhkaaddi ja dubmejeaddji fámu, almmolaš suorggi, politihkalaš bellodagaid, media, siviila servodaga ja ealáhusaid,  návcca gieđahallat korrupšuvdnariskka. Iskkadeami ulbmil lea dehálaš servodatásahusain ovddidit dihtomielalašvuođa korrupšuvdnariskka, hearkivuođa ja riskagieđahallama birra. 

National Integrity System iskkadeapmi lea oassin stuorát buohtastahtti korrupšuvdnariskka iskkadeamis Eurohpás. Norgga gávpot- ja guovlludutkama instituhtta čađaha norgga oasi iskkadeamis. Iskkadeami ovddasvástideaddji lea Transparency International norgga ossodat. Raporta gárvvistuvvo 2012:s.