Norgga stáhtakaleanddar heaittihuvvo
Historjjálaš arkiiva
Almmustahttináigodat Regjeringen Stoltenberg II
Almmustahtti: Ođasmahttin-, hálddahus- ja girkodepartemeanta
Preassadieđáhus | Almmustahtton: 23.11.2011 | Maŋimuš ođasmahttojuvvon: 08.12.2011
Ođasmahttin-, hálddahus- ja girkodepartemeanta (FAD) lea mearridan heaittihit Norgga stáhtakaleandara prentejuvvon ja elektrovnnalaš hámis ođđajagimánu 1.b. 2012 rájes.
Ođasmahttin-, hálddahus- ja girkodepartemeanta (FAD) lea mearridan heaittihit Norgga stáhtakaleandara prentejuvvon ja elektrovnnalaš hámis ođđajagimánu 1.b. 2012 rájes.
Norgga stáhtakaleanddar lea vásihan ahte diŋgojeaddjilogut leat unnon maŋemus jagiid. Dát lea mielddisbuktán ahte prentejuvvon dahje elektrovnnalaš veršuvdna ii leat šat ieš - ruhtadeaddji. Ollu stáhtakaleandara dieđuin gávdná dál maiddái eará neahttabáikkiin.
Departemeanttaid bálvalusguovddáš lea FAD ovddas čađahan dárbo- ja geavaheaddjiiskkadeami. Dárboiskkadeapmi čájeha ahte kaleanddar geavahuvvo unnán ja dasa lea unnán dárbu. Departemeanta lea danin mearridan heaittihit Norgga stáhtakaleandara prentejuvvon ja elektrovnnalaš hámis ođđajagimánu 1.b. 2012 rájes.
Stáhtakaleandaris gávdná dál earret eará bajilgova stáhtaásahusain dieđuiguin man ollu bargit doppe leat, doaibmasurggiid, organiserema, bušeahtaid ja ovddasvástádussuorggi birra. Viidáset dat čájeha bajilgova Stuoradikki oktiibidjamis, ráđđehusas, gonagasviesus, duopmostuoluin ja dieđuin hervemiid birra.
Stáhtakaleandara geavaheaddjit sáhttet fitnat dákkár neahttasiidduin; Stáhta virgeolbmuidregisttar , Statistihkalaš guovddášdoaimmahat, Norgga servodatdieđalaš databálvalus dahje iešguhtetge stáhtalaš doaimmaid neahttasiiddus.