Politiija operašuvdnaguovddážat nannejuvvojit

Politiijadirektoráhtta ásaha meari man stuorrát bargoveagat unnimusat fertejit leat buot politiija operašuvdnaguovddážiin ja gáibida erenoamášoahpu buohkaide geat jođihit guovddážiid.     

Suoidnemánu 22. beaivvi – kommišuvdna deattuha man dehálaš lea ahte buot operašuvdnaguovddážiin leat návccat maiguin álohii sáhttet jođihit vissis mutto stuora akšuvnnaid. Operašuvdnaguovddáš jođiha earret eará politiijaguovllu operatiiva bálvalusaid go juohká bargguid olgojoavkkuide. Operašuvdnaguovddáš doaimmaha maiddái politiija heahtenummara (112). 

– Politiijadirektoráhtta áigu ásahit bargoveahkameari operašuvdnaguovddážiidda mas leat guokte dievdo- ja nissonpolitiijabálvvá dain unnimus politiijaguovlluin ja golbma bálvvá dain gaskaleamos stuoru guovlluin, lohká justis- ja gearggusvuođaministtar Grete Faremo.     

Nannet oahpu
Politiijaallaskuvla fállá odne joatkkaoahpu Politiija operašuvdnajođiheddjiide, árjabidjanjođiheddjiide, gearggusvuođaplánejeddjiide ja bargoveahkabargiide. Dattege eai leat buohkat, geain leat dakkár virggiin, čađahan relevánta joatkkaoahpu. 

– Politiijadirektoráhtta áigu dás duohko gáibidit ahte sii geat leat dakkár guovddáš doaimmain, galget čađahan joatkkaoahpu. Danin nannejuvvo oahppokapasitehta Politiijaallaskuvlla operašuvdnajođihangottis, lohká Faremo.