Kulturministtar rabai ođđa digitaliserenguovddáža

Kulturministtar Anniken Huitfeldt ja Našunálagirjerádjosa veahkkebibliotekára Roger Jøsevold. Govven: Našunálagirjerádju/Kjell Iversen

Našunálagirjerádjosa ođđa digitaliserenguovddážis, Rátnus, gávdno ovdáneaddji teknologiija mii digitalisere Norgga kultuvrralaš ja historjjálaš dieđuid.  Dán ođđa guovddážis gávdnojit buvttadanrusttegat digitaliseret almmuhuvvon girjjiid. Girjjit duháhiid mielde ráhkaduvvojit  digitála fiilan mat vurkejuvvojit maŋit áigái Našunálagirjerádjosa digitála sihkkarastinmagasiinnas.  Nu guhkás go dahkkivuoigatvuođat dahket dan vejolažžan, de digitaliserejuvvo Norgga girje- ja aviisačoakkáldat neahttageavaheddjiide ávkin. 

Sullii 61 000 dievas čállojuvvon girjji leat dál gávdnamis Našunálagirjerádjosa ohcanbálvalusas.  Dasa lassin leat olu aviissat, govvamateriálat, jietnavuorkkát ja giehtačállosat gávdnamis.

Geahča Našunálagirjerádjosa ruovttusiidduid jos háliidat eanet dieđuid (dárogillii).