Marianne A. Olsen oaččui jagi 2010 Gandhistipeandda

Kulturministtar Anniken Huitfeldt geigii vuossárgga, jagi 2010 Gandhistipeandda Perspektivet Musea konserváhtorii Marianne A. Olsenii, “Oskkuid searvevuohta – dokumentašuvdna- ja čájáhusprošeakta Perspektivet Museas” prošeavtta ovddas.

Perspektivet Musea Romssas álggahii árrat dán jági oskkuid searvevuođa dokumentašuvdna- ja čájáhusprošeavtta Romssas mas Marianne A. Olsen lea prošeaktajođiheaddji.  Boađusin galgá čájáhus mii bidjá guovddážii movt oskkut ovttasbarget, oskkuid siskkobealde ja joavkkuid gaskka. Olsen galgá analyseret áššemánu ja ávdnasiid mat čájáhussii leat čohkkejuvvon.

-Oskkolaš temát leat šaddan deháleabbo almmolaš ságastallamis, muitala kulturministtar Huitfeldt. -Marianne A. Olsen guorahallá makkár áššit duddjojit buriid oktavuođaid ieš guđet lágan oskkolaš olbmuid gaskii. Máŋggakultuvrralaš ja máŋggaoskkolaš servodagain lea dehálaš čalmmustahttit beliid mat oskkolaš olbmuin leat oktasaččat, lohká kulturministtar Anniken Huitfeldt.

Jagi 2010Gandhistipeanda lea 100 000 kruvnnu. Kulturdepartemeanta lea ásahan stipeandda buoridit máhtu oskkuid ja eallinoainnuid birra ja nannet gulahallama máŋggakultuvrralaš ja máŋggaoskkolaš Norggas.