Proposišuvdna Stuorradiggái Šáhkkaolympiagilvvuid birra Romssa gávpogis jagi 2014
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 13/10 | Almmustahtton: 12.03.2010 | Maŋimuš ođasmahttojuvvon: 28.04.2010
Ráđđehus almmuhii odne árvalusa juolludit 70 miljon ruvdnosaš stáhtadoarjaga lágidit Šáhkkaolympiagilvvuid Romssa gávpogis jagi 2014, jus Romssa gávpot oažžu lágideami.
Ráđđehus almmuhii odne árvalusa juolludit 70 miljon ruvdnosaš stáhtadoarjaga lágidit Šáhkkaolympiagilvvuid Romssa gávpogis jagi 2014, jus Romssa gávpot oažžu lágideami.
Oasussearvvi Sjakk Tromsø 2014 AS leat Romssa suohkan ja Norgga Šáhkkalihttu vuođđudan plánen dihtii ja čađahan dihtii lágideami. Šáhkka-OG lágiduvvo juohke nuppi jagi ja dat lágiduvvo dán jagi čakčamánus-golggotmánus Khanty-Mansyiskas Ruoššas. Máilmmišáhkkalihttu FIDE doallá dalle iežas kongreassa, mas Norgga ohcan jahkái 2014 galgá mearriduvvot. Eará ohcci riikkat leat vuordimis Kiinná ja Bulgária.
- Šáhkka lea okta máilmmi stuorámus valaštallamiin. Lagabui 150 riikka servet šáhkka-OG:i. Jus Norga ja Romssa gávpot besset lágidit šáhkka-OGa jagi 2014, de šaddá dat mávssolaš signálalágideapmin Romssa gávpoga ja regiuvnna profileremis, ja dat sáhttá addit positiiva váikkuhusaid ovddidit turismma ja regionála ekspoartaealáhusaid, cealká kulturministtar Anniken Huitfeldt.