Arne Nordheima komponistabálkkašupmi Ruben Sverre Gjertsenii

Komponista Ruben Sverre Gjertsen lea ožžon Arne Nordheima komponistabálkkašumi jagi 2010. Kulturministtar Anniken Huitfeldt geigii bálkkašumi bearjadat eahkeda konsearttas mii dollojuvvui Grønlanda girkus Ultimafestivála olis. Bálkkašumi vuoiti oažžu 125 000 ruvnnu ja diploma.

Njukčamánus dán jagi oaččui Gjertsen Spellemann-bálkkašumi klassihkalaš komponisttaid luohkás Grains nammasaš skearru ovddas. Vaikko lea ain nu nuorra, lea Gjerten jo geargan čállit komposišuvnnaid Eurohpa dálááiggi njunuš ensembeliide (čuojahanjoakkuide).

Árvvoštallangoddi gohčoda su eahpitkeahtes taleantan guhte nákce addit dehálaš addagiid dáiddamusihkalaš árbevirrui. Ákkastallamis čuožžu viidásat ahte “Árvvoštallangoddi atná bálkkašumi vuoiti su gudneáŋgiris prošeavtta geaži buhtes, siivos, muhto roahkkadis jietnan, geas lea originála hálti musihka ráhkadeamis, ja geas lea ráhkadan- dahje buvttadanvuohki mii ii vuollán dorvvastit pragmatismii,".

Ruoktosiidu: http://www.bek.no/~ruben/  
Árvvoštallangotti ákkastallan ja eanet dieđut Ultima birra: http://www.ultima.no  

Arne Nordheima komponistabálkkašumi birra
Kulturdepartemeanta ásahii Arne Nordheima komponistabálkkašumi geassemánu 20. beaivvi 2001 Nordheima 70-jagi riegádanbeaivvi oktavuođas. Bálkkašupmi juhkkojuvvo juohke jagi Ultimafestivála áiggi. Jagi 2010 juhkkojuvvo logát gearddi. Árvvoštallangottis čohkká komponista ja Norgga komponisttaidsearvvi stivrajođiheaddji Asbjørn Schaathun (jođiheaddjin), čálli ja musihkkaáššedovdi Hild Borchgrevink ja vuosttašamanueansa Peter Tornquist.

Bálkkašumi juohkimat dán rádjai:
2010 Ruben Sverre Gjertsen
2009 Magnar Åm
2008 Ragnhild Berstad
2007 Nils Henrik Asheim
2006 Ole-Henrik Moe
2005 Sven Lyder Kahrs
2004 Cecilie Ore
2003 Lars Petter Hagen
2002 Kåre Kolberg
2001 Maja Solveig Kjelstrup Ratkje

Komponistabiografiija
Ruben Sverre Gjertsen (r. 1977) lea studeren komposišuvnna Griegakademias Bergenis Morten Eide Pedersen,a James Clappertona luhtte ja son lea čuvvon “masterclasses” main leat leamaš dakkár guossekomponisttat go Brian Ferneyhough, Klaus Huber, Salvatore Sciarrino, Philippe Hurel, Luca Francesconi ja Helmut Lachenmann.

Su komposišuvdnabarggut leat čuojahuvvon viđa Ung Nordisk Musikk-festiválas, Helssegis, Aarhusas, Oslos, Stockholmmas ja fas Helssegis. James Clapperton ja Sharleen Harshenin diŋguiga Miniatures III, ja čuojaheigga dan Bergenis, Reykjaviikkas ja Helssegis.

Komposišuvdna Rituals III 59 čuojaheaddji várás ovddiduvvui Davviriikkaid Komponistabájis Stavangera Symfoniijaorkeastariin (2001-2002) man dirigeanta lei Zsolt Nagy. Guktii son lea searvan Voix Nouvelles:i Royaumontas, jagi 2000 mas ledje mielde Brian Ferneyhough, Jean-Luc Hervé ja José Evangelista, geat válde mielde ođđa komposišuvnna čuojaheami, man namma lei Contradiction, ja mas Nouvel Ensemble Modern čuojahii. Jagi 2008 son oassálasttii oktii Brian Ferneyhoughiin ja vel Jérôme Combieriin ja Xavier Dayeriin. Dalle čuojahedje Ensemble Vortex ja Neue Vocalsolisten Stuttgart su Landschaft nammasaš ođđa dahkosa. Ensemble Vortex ja Archipel festivála diŋgojedje ođđa dahkosa mii čuojahuvvui Genevas jagi 2009.

Jahkodaga 2002-2003 čuojahii Ensemble Intercontemporain dahkosiid Contradiction ja Miniatures II. Rituals II válljejuvvui ISCMii jagi 2004 Sveiccas. Pierre Boulez ja Luzern Festivalakademi diŋgojedje komposišuvnna Circles, mii vuosttaš geardde čuojahuvvui Luzernfestiválas jagi 2006. Grains almmuhus +3dB skearruin oaččui jagi 2009 Spellemann-bálkkašumi dálááiggi komponisttaid luohkás.