Ođđa njuolggadusat biŋgobáikkiid spealuid várás

Kulturdepartemeanta lea bidjan njuolggadusaid Norsk Tipping ođđa terminálaspealuid várás  biŋgobáikkiin. Spealut bohtet gildojuvvon biŋgoautomáhtaid sadjái. Ođđa terminálat earret eará buktet ođđa spealuid hihtáseappot go ovddeš automáhtat ( juohke speallu bistá unnimus 3 sekundda) ja juohke spealli ii oaččo golahit eanet go 800 ruvnnu beaivái ja 4000 ruvnnu mánnui.

Departemeanta lea maiddái čavgen gáibádusaid nu gohčoduvvon dihtorbiŋgospealuid várás. Dát automáhtat galget earret eará spealuid buktit hihtáseappot go ovddeš automáhtat (juohke speallu bistá unnimus 30 sekundda). Dihtorbiŋgospealuid beassá bidjat dušše dakkár báikkiide gos maiddái fállá árbevirolaš biŋgospealuid, ii ge leat lohpi bidjat eambbo go 30 dihtorbiŋgoterminála seammá biŋgobáikái.

Danin vai beroštupmi árbevirolaš biŋgospealuide galgá lassánit lea departemeanta mearridan lasihit stuorámus biŋgovuoittu 4000 ruvnnus 5000 ruvdnui ja nu gohčoduvvon jackpot-vuoittu 36 000 ruvnnus 70 000 ruvdnui.

Ođđa njuolggadusat leat fámus Ođđajagebeaivvi rájes 2011. Muhtun ođđa njuolggadusat mat gáibidit teknihkalaš heivehemiid leat fámus suoidnemánu 1.b. 2011 rájes.

Ođđa njuolggadusaid kopiija gávnnat dás

Njuolggadus mii rievdada skábmamánu 30.b.2004 njuolggadusa nr. 1528 biŋgo birra