Polskka-Norgga kulturprošeavttat ožžot doarjaga

17 ođđa ovttasbargoprošeavtta leat dohkkehuvvon ruhtaduvvot kulturlonuhallanfoandda bokte. Prošeavttat gusket musihka- ja lávdedáidagii, govvadáidagii ja kulturárbái  ja  dasa lassin doaimmat sihke Polskkas, Norggas, Islánddas ja Liechtensteinas.  

Prošeavttat mat ožžot doarjaga 5. máinnusteami maŋŋel (pdf)

Kulturlonuhallanfoanda buorida dieđu ja beroštumi norgga ja polskka kultuvrra birra, ja lea buorre ovdamearka got EØS-gaskaoamit leat mielde stivret polskka-norgga oktavuođa ja ovddasbarggu. Buorit ja gelddolaš prošeavttat olles kulturbirrasis leat ožžon doarjaga, dadjá kulturministtar Anniken Huitfeldt.

Kulturlonohallanfoanda Polskka ovddas ásahuvvui 2008:s. Foanda eanemusat ruhtaduvvo norgga EØS-gaskaomiid bokte ja hálddašuvvo Polskka kulturdepartemeanta bokte. Foandda gaskaoamit geavahuvvojit doarjut kulturáláš lonohallama  ovttasbargoprošeavttaid bokte  Polskka ohcciid ja Norgga, Islándda dahje Liechtensteina guimmiid gaskas. Ulbmil lea nannet gulahallama ja kulturáláš ovddasbarggu Polskka ja juolludanriikkaid gaskas. Dát leat leamas lagabui 90 miljovnna ruvnnu foanddas juolludeami hárrái, daid vuolde sullii 14 miljovnna ruvnnu dán viđat ja maŋemus vuorus.

Dát lea leamas stuora beroštupmi Kulturlonohallanfoandda hárrái sihke Norggas ja Polskkas. 2008 rájes Polskka kulturdepartemeanta lea ožžon olles 283 prošeaktaohcamuša, main 71 leat ožžon lohpádusa dorjojuvvot.  Stuorámus oassi ohcciin lea musihka- ja lávdedáiddabirrasis ja oktiibuot 35 dain ruhtaduvvon prošeavttain gullet dan birrasii. Govvadáiddabirrasa siste 18 prošeavtta leat ožžon lohpádusa dorjojuvvot.  Dasa lassin leat 13 kulturárbeprošeavtta, 2 girjjálašvuođaprošeavtta, 2 vuorkáprošeavtta ja 1 prošeakta girjerádjobirrasis. Gávdnojit norgga guoimmit eambo go 90% dain prošeavttain.

Kulturdepartemeanta jođiha foandda barggu Norggas, Norgga kulturráđi , ABM-ovddideami  ja Riikkaantikvára ovddas. Eambo diehtu foandda birra gávdno Kulturlonohallanfoandda ruovttosiiddus. Don sáhttát maid váldit oktavuođa das: kulturutvekslingsfondet@kud.dep.no.