Muitobáccit ja gudnejahttimat maŋŋil suoidnemánu 22.beaivve fallehemiid

Ráđđehus lea mearridan cegget guokte muitobácci maŋŋil suoidnemánu 22.beaivve, sihke Osloi ja Utøyai. Ráđđehus nammada stivrenjoavkku čielggadit ja árvalit muitobácciid hámi.  Muitobáccit galget gudnejahttit sin geat leat duššan, heakkas beassan, veahkkebargiid ja eaktodáhtolaččaid.  Åse Kleveland jođiha joavkku.

-Muitobáccit galget muitun sidjiide geat dušše ja ovddastit kollektiivvalaš gudnejahttima eaktodáhtolaččaid ektui, sin ektui geat besse heakkas ja veahkkebargiid ektui. Sin namat geat dušše galget čállojuvvot unnimusat nuppi muitobázzái, dadjá kulturministtar Anniken Huitfeldt.

Stivrenjoavkku ovddastit áirasat Kulturdepartemeanttas, Ođasmahttin-, hálddahus- ja girkodepartemeanttas, AUF, našunála doarjjajoavkkus maŋŋil suoidnemánu 22.b. dáhpáhusaid ja guskkolaččat ráđđehuskvartálas. Stivrenjoavkkus galgá lagaš gulahallan Oslo gielddain ja Hole gielddain báikki ektui gosa muitobáccit galget ceggejuvvot ja galgá ovdanbuktit árvalusas Kulturdepartementii ovdal cuoŋománu 1.b.2012.

Dat eai ásahuvvo sierra oktagaslaš gudneduođaštusat suoidnemánu 22.b. oktavuhtii.  Almmatge lea vejolaš čájehit oktagaslaš gudnejahttimiid doaibmi njuolggadusaid mielde mat gusket medáljjaide ja čiŋahemiide.