Eanet valáštallanrusttegiidda ja olggustallamii

Ráđđehus lea otne mearridan juohkit 1,564 miljovnna kruvnnu spealloruđaid  valáštallandoaimmaide jahkái 2012.

• Váldojuohkimat 2012 (pdf.)
• Váldojuohkimat 2012, Valáštallanrusttegat gielddain (pdf.)

-Lea ain stuorra dárbu mánáid ja nuoraid hárjehallan- ja gilvalanrusttegiidda . Ruhtavuoruheapmi valáštallanrusttegiidda  mielddis buktá ahte muhtun dáid rusttegiid dál lea vejolaš hukset, cealká stáhtaráđđi Anniken Huitfeldt.

Eanet valáštallanrusttegiidda gielddain

Lea juhkkojuvvon 697,5 miljovnna kruvnnu ođđa visttiide ja divodeames ja ođasteames rusttegiid gielddain. Dat lea 14 miljovnna kruvnnu lassáneapmi diimmá ektui.  

Rusttetpolitihkalaš prográmma

Rusttetpolitihkalaš prográmma (reaidduide, gollogáibideaddji rusttegiidda ja rusttegiidda olmmošvaljis guovlluin) joatkkašuvvá jagi 2012.

Norgga Valástallanlihttu ja olympia ja paralympia komitéa

Norgga Valástallanlihttu ja olympia ja paralympia komitéa (NIF) oažžu 566 miljovnna kruvnnu jahkái 2012. Doarjja galgá nannet mánáid ja nuoraid valáštallandoaimmaid miellahttovuođustuvvon valáštallamis.  Doarjja dáhkida maid ahte váldovaláštallan nanusmahttojuvvo Norggas.

Báikkálaš joavkkut ja searvvit

Báikkálaš joavkkut ja searvvit mat jođihit mánáid ja nuoraid valáštallandoaimmaid ja rumašlaš aktivitehtaid ožžot 156 miljovnna kruvnno spealloruđaid jahkái 2012.

- Báikkálaš valáštallansearvvit ožžot 156 miljovnna kruvnnu spealloruđaid jahkái 2012. Lassin searvvit ožžot vel mealgadis supmi álbmotoasseruđain ja lassiárvoortnetruđain eaktodáhtolaš organisašuvnnaid várás.

Doarjagat oktiibuot leat mávssolaččat mánáid ja nuoraid báikkálaš valáštallandoaimmaide.

Olggustallan

Lea juhkkojuvvon 12,5 miljovnna kruvnnu mánáid ja nuoraid olggustallan doaimmaide.  Doarjja lea jagi 2011 ektui lassánan 0,5 miljovnna kruvnnuin.

-Spealloruhtadoarjja olggustallan doaimmaide mánáide ja nuoraide lassáná 5,6 miljovnna kruvnnuin 2008 ektui, oktiibuot 12,5 miljovnna kruvdnui 2012:s.

Maiddái lea juolluduvvon 9 miljovnna kruvnnu meahcástallan rusttegiidda (barttat ja bálgát).