Gulaskuddan girjeláhka birra

Ođđa láhka dan birra ahte vuovdit ja oastit girjjiid (girjeláhka) odne sáddejuvvo viiddis gulaskuddamii. Girjelága ulbmil lea láhčit dili dasa ahte norgga girjjálašvuođas galgá leat viidodat, girjáivuohta ja kvalitehta ja dat galgá sihkkarastit ahte miehtá riikka lea bures olámuttos norgga girjjálašvuohta. Earenoamáš dehálaš lea váldit vuhtii lohkki ja girječálli. 

Gulaskuddan (girjedárogiella) 

- Buot deháleamos munnje barggus girjelágain lea láhčit dili dasa ahte lohkki galgá vásihit ahte sus leat ollu girjjit gávdnanláhkái miehta riikka. Dasa lassin háliidan mun ahte suorggis galget leat buorit gilvoeavttut. Dat boahtá earenoamáš ávkin girječálliide. Mii áigut doaimmahit vuđolaš meannudeami mii addá girjesuorgái buriid eavttuid jagiin ovddasguvlui, dadjá kulturministtar Haida Tajik.

Gulaskuddančálus ovdanbuktá molssaevttolaš hábmemiid girjeláhkii mii galgá gustot sihke čáppagirjjálašvuhtii, áššeprosai ja fágagirjjiide. Lea sávahahtti ahte gulaskuddanásahusat addet oainnuid máŋga gažaldahkii, earret eará:

- Berre go girjeláhka addit vejolašvuođa dahkat šiehtadusaid vuođđohaddeortnegiid birra (nugo dálá girješiehtadusas lea), dahje berrejit go leat njuolggadusat ahte buot lágádusaide lea bákkolaš ahte ođđa girjjiin galget leat vuođđohattit?

- Berre go vuođđohaddi gustot buot ođđa almmuhemiide beroškeahttá makkár almmuhanformáhtta dain lea, ja berre go e – girjjiid doallat olggobealde?  

- Berrejit go girjelágas leat njuolggadusat hálbbádusaid/obbadienasmuddemiid birra – mii mearkkaša girjehatti juohku lea gaskal lágádusa ja girjegávppi? Jus nu: Berre go biddjot mearri dasa man stuora hálbbádus sáhttá leat, vai berre go leat kulturpolitihkalaš eaktu dasa mii galgá leat vuođđun alla hálbbádussii?  

Girjeláhka galgá hehttet boasttogeavaheami márkanfámus, muhto ii galgga hehttet ođđahutkamiid ja buori gilvu. Danin mii leat lágidan nu ahte galgá leat rabas ja viiddis gulaskuddan vai leat vissásat dasa ahte molssaeavttut divaštallojuvvojit vuđolaččat, dadjá Tajik.