Háliida álkit árgabeaivvi mánáid- ja nuoraidorganisašuvnnaide

-Ráđđehusa ulbmil lea ahte ovttasdoaibman stáhta ja eaktodáhtolaš organisašuvnnaid gaskka galggašii šaddat nu njuovžilat go vejolaš. Organisašuvnnat galget geavahit unnit áiggi deavdit skoviid ja eanet áiggi doaimmaide, cealká kulturministtar Hadia Tajik. –Seammás go háliidat álkes  ovttasdoaibmama, de lea dehálaš ahte mis lea luohttámuš dasa ahte stáhta ruđat geavahuvvojit oaivvilduvvon doaimmaide, dadjá kulturministtar Tajik.

Leaŋka gulaskuddanáššái (girjedárogiella) 

Otne sádde Kulturdepartemeanta gulaskuddamii bagadusa movt mánáid- ja nuoraidorganisašuvnnat sáhttet ohcat stáhta doarjagiid. Gulaskuddamis árvaluvvojit oktasaš áššit ja bargovuogit mat guhkit áigái álkidahttet organisašuvnnaid gulahallama stáhtain. Organisašuvnnaid iešvuođat čilgejuvvojit, nu ahte doarjjahálddašeaddjit nu bures go vejolaš sáhttet heivehit hálddašeami organisašuvnnaid dárbbuide.

Dá lea muhtun ávžžuhusat bagadusas:

• Unnit revišuvdna: Doarjjahálddašeaddji ii berre dábálaččat gáibidit revišuvnna doarjagiin mat leat vuollel 200 000 kr.
• Eanet friija ruđat: Ođđa doarjagiid berrešii nu bures go sáhttá rievdadit doaibmadoarjjan dahje friija ruhtan, ja geahpedit prošeaktadoarjaga.
• Seamma eavttut: Eavttuid ja cealkámušaid berrešii ovttastahttit bagadusa konkrehta árvalusaid ektui.