Kulturealáhusaide suorgeráđđi

 

Ráđđehus áigu ásahit kulturealáhusaide suorgeráđi vai beassá divaštallat oktasaš áššečuolmmaid ja politihkkahábmema suorggis. Suorgeráđđi galgá leat jahkásaš deaivvadanbáiki gos kulturealáhusovddasteaddjit besset čoahkkinastit Kulturdepartemeantta, Ealáhus- ja gávpedepartemeantta ja Gielda- ja guovlodepartemeantta politihkalaš jođihangotti.

- Kulturealáhusat leat máŋggaláganat ja leat stuora erohusat ealáhusaid gaskkas dan dáfus maid sii buvttadit, makkár márkaniid guvlui sii barget ja ođđa teknologiija geavaheami dáfus. Seammás oaidnit mii ahte kulturealáhusosolaččat vásihit ollu dain seamma hástalusain go galget fitnodatálggaheaddjis šaddat kulturfitnodahkan. Das lea sáhka earret eará das ahte lea dárbu gávpegelbbolašvuhtii, dárbu fierpmádagaide ja ovttasbargui, hástalusat háhkat priváhta kapitála ja hástalusat olgoriikii vuovdima dáfus, dadjá kulturministtar Hadia Tajik.

Ráđđehus háliida deaivvadit kulturealáhusaiguin vai oažžu buorebut áddejumi kulturealáhusaid oktasaš ovddidanvejolašvuođaid ja hástalusaid birra. Go ráđđehus deaivvada ealáhusaiguin, de sii buorebut nagodit fuobmát ealáhusaid oainnuid, dárbbuid ja sávaldagaid mat sis leat kulturealáhusaid oktasaš politihka ovddideapmái. Áigumuš lea ahte galgá leat okta čoahkkin jagis.

Ráđi miellahtut:

Jođiheaddji: Kirsti Hjemdahl, Kristiansand, seniordutki, gávpeovddideaddji, Agderforskning.  Lea guhká čuvvon kulturealáhussuorggi.

 

Arnfinn Bjerkestrand, Oslo, Kulturráđi miellahttu, musihkka.

Ragnhild Dalheim Eriksen, Romsa, Riddu Riððu festivála ovddeš jođiheaddji, Sámedikkis bargá kultuvrrain ja ealáhusaiguin. Miellahttu ráđđehusa davviguovlolávdegottis.

Bård Flikke, Troandin, Trondheim Kultur & Næring mieleaiggát ja prošeaktajođiheaddji (T-KN).

Gro Caroline Flølo, Stryn, kreatiiva jođiheaddji, Designhuset Farmhouse. Bargá fágaidgaskasaččat hábmengelbbolašvuođain ovttas gealbobirrasiiguin.

Ante Giskeødegaard, Ålesund, Momentium beaivválaš jođiheaddji, festiválalágideaddji (ovttas Lars B. Giskeødegaardain).

Sigrid Hilsen, Drammen, Papirbredden Innovasjon. Bargá dievaslaččat kulturealáhusovddidemiin Drammenis.

Jan Fredrik Karlsen, Oslo, manager, musihkka.

Gry Isabell Sannes Knutsen, Stavanger, Ipark bargá viidát ja ollu kulturealáhusaiguin, ea.ea. ásahusa bokte mii ovddida fitnodatálginideaid/fitnodatálggahemiid kultuvra várás.

Lars Leegaard Marøy, Bergen, beaivválaš jođiheaddji, filbmafoanda FUZZ.

Bjørn Nørstegård, Lillehammer, Lillehammer máhttopárka. Lea ollu jagiid bargan kulturealáhusaiguin, earret eará vásáhusaiguin ja mátkeealáhusaiguin.

Hilde Charlotte Solheim, Oslo, mátkeealáhusdirektevra Virke. Máhttu kultuvrra birra ja dan birra makkár váikkuhusaid kulturealáhusat buktet eará ealáhusaide.

Steinar Sørlie, Åmot, Åmot Operagard, Sogn ja Fjordane.  

Jørgen Tharaldsen, Oslo, Artplant, spealloovddideapmi.

Arne-Wilhelm Theodorsen, Tromsø, Introfondet áirras, guovlulaš foanda kulturealáhusaid ovddideapmái Romssa guovllus.

Maria Utsi, Čáhcesuolu, Várjjat-festivála. Várjjat-festivála jođiheaddji, Čáhcesuolu, Hermetikken kulturealáhusgárddi ovddeš jođiheaddji.