Lohkanmiellastrategiija 2013

Ráđđehus lea várren 1,2 miljovnna kruvnnu reviderejuvvon nationálabušeahtas doaibmabijuide mat galget ovddidit mánáid ja nuoraid lohkanmiela.

Kulturdepartemeanta dat hálddaša ruđaid, mat almmuhuvvojit hui farga. Buohkat geat leat hábmen lohkanmiellastrategiija maid sii háliidit čađahit sáhttet ohcat doarjaga. Doarjagat leat lassin Nationálagirjeráju girjerádjoovddidanruđaid maid girjerájut sáhttet ohcat golggotmánus.

-Lohkanmiellastrategiijain sáhttit mii ealáskahttit Leseløftet 2010-2014, ja joatkit buriid doaibmabijuid ja ovttasbargoprošeavttaid mat Lohkanjagi 2010 oktavuođas leat vuolggahuvvon, ja álggahit ođđa doaibmabijuid movttiidahttit mánáid ja nuoraid lohkat, cealká kulturministtar Hadia Tajik.

Kulturministtar lágidii dán jagi álggus oaivilčoahkkima lohkanmiela birra, ja son leai bovden máŋga girjjálašvuođa- ja girjerádjoberošteddjiid. Čoahkkimis oassálaste sullii 20 olbmo. Čoahkkima ulbmil leai čohkket oaiviliid ja oainnuid doaibmabijuid ja ovttasbargoprošeavttaid birra maid de sáhttá váldit mielde lohkanmiellastrategiijii.

Nationálagirjerádju ja Kulturdepartemeanta hábmeba ovttas lohkanmiellastrategiija. Kulturministtar ovddida Lohkanmiellastrategiija geassemánu mielde.