2014 stáhtabušeahtas
Ollašuhttá kulturloktema: 1 proseanta 2014 stáhtabušeahtas
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 120/13 | Almmustahtton: 14.10.2013 | Maŋimuš ođasmahttojuvvon: 15.10.2013
- Min ráđđehus lohpidii, ahte maŋimusat 2014 geavahit proseantta stáhtabušeahtas kultuvrii. Dál mii ollašuhttit lohpádusa, kulturministtar Hadia Tajik dadjala.
- Min ráđđehus lohpidii, ahte maŋimusat 2014 geavahit proseantta stáhtabušeahtas kultuvrii. Dál mii ollašuhttit lohpádusa. Dan láhkai addit fámu ja ruđalaš vuoimmi kultureallimii. Dan láhkai mii duddjot nana vuođu dasa, ahte dáidda ja kultuvra lea eanebuid olámuttus, ja loktet kultuvrra stáhtusa servodat- ja politihkkasuorgin, kulturministtar Hadia Tajik dadjala.
2014 bušeahttaárvalus mielddisbuktá, ahte Kulturloktemii lasihit oktiibuot 840 miljovnna kruvnno (8,4 proseantta) 2013 ektui. Áigodagas 2006–2014 leat lasihan kulturdoaimmaid juolludemiid oktiibuot 5,7 miljárddain kruvnnuin. Stáhta kulturruđat leat nappo lassánan beliin.
Kulturlokten
- Kultuvra lea vealtameahttun servodahkii, mas deattastit demokratiija, searvevuođa, sátnefriijavuođa ja ovdáneami. Mii dárbbašit kultuvrra, mii hástala min ja oažžu min faŋuhit dobbelii – sihke oktagassan ja searvevuođas. Seammás giige ii sáhte biehttalit kultuvrra iešárvvu. Mii sávvat, ahte buohkat geat háliidit, besset ovdanbuktit kultuvrra ja vásihit earáid ovdanbuktimiid, ja ahte buohkaid olámuttus leat kulturovdanbuktimat ja vejolašvuohta ieš ráhkadit kultuvrra, Tajik dadjala.
