Ráđđehus árvala rievdadit Mediaeaiggátvuođalága

Ráđđehus árvala rievdadit arvat njuolggadusaid Mediaeaiggátvuođalágas vai láhka doaibmá njuovžileabbo mediasuorggi molsašuddu árgabeaivvis. Mediaeaiggátvuođačielggadeapmi  2012 ja gulaskuddancealkámušat leat biddjon vuođđun láhkaárvalussii.

-Mediaeaiggátvuođaláhka lea dehálaš gaskaoapmi sihkkarastit mediavalljodaga miehtá riikka. Mii vásihat man johtilit mediasuorgi ovdána, ja danne lea dárbu rievdadit gustojeaddji lága. Rievdadusat sihkkarastet reguleremiid maid sáhttá heivehit molsašuddi mediasuorgái, cealká kulturministtar Hadia Tajik.

 

Láhkarievdadusat:

• Láhka gusto elektronalaš mediaide geaid ulbmil lea jođihit journalisttalaš buvttadeami ja gaskkustit ođđasiid, áigeguovdilis áššiid ja divaštallamiid
• Dálá márkanráddjemat nationála dásis joatkašuvvet.  Seammás addo Mediabearráigehččui vuoigatvuohta láhkaásahusa bokte viiddidit njealját elektronalaš mediain. Dassá go ásahuvvo sierra elektronalaš mediamárkan, de doibmet báberaviissat ja báberaviissaid neahttabálvalusat beaivepreassa oktasaš márkanin.   
• Dálá 1/3- eaiggátvuođarádji nationála mediamárkanis bisuhuvvo. Lassin ásahuvvo vuolimus eaktu rihkkumiidda mii galgá leat ¼ nationála márkana ektui
• Ruossalaseaiggátvuođa sierranjuolggadus heaittihuvvo, muhto bearráigeahčču sáhttá vuoruhit dán lágan eaiggátvuođa bargguid árvvoštallamis
• Guovlulaš eaiggátvuođanjuolggadusat joatkašuvvet, muhto guovlulaš mediamárkanat ja eaiggátvuođarájit mearriduvvojit láhkaásahusa bokte maid Mediabearráigeahčču mearrida. Olu gulaskuddanásahusat leat čujuhan ahte báikkálaš- ja guovlulašaviissat vásihit garra ja hástaleaddji gilvvu. Departemeanta oaivvilda ahte guovlulaš eaiggátvuođarájit bajiduvvojit.  Dasa lassin dieđihuvvo ahte golmma jagi siste galgá čađahuvvot sierra árvvoštallan mediagilvodilis ja guovlulaš oaivilgirjáivuođadilis. 
• Multimediaeaiggátvuođa njuolggadusaid ferte álkidahttit. Otná njuolggadusaid mielde lea buot golmma mediamárkaniid eaiggátvuođarádji 20 pst. juohke márkanis. Árvalus mearkkaša ahte oassálastiide geat leat rasttildan 1/3-rájá nationála dásis, biddjo eaiggátvuođarádji 25 pst. eará márkaniin

 

Láhkaproposišuvdna 142 L almmuhuvvo dáppe (girjedárogiella)