1 Proposišuvnna váldosisdoallu

Gielda- ja ođasmahttindepartemeanta evttoha dán proposišuvnnas rievdadit sámelága § 2-4. Mearrádus mudde sámediggeválgga válgabiirriid ja áirrasjuogu.

Stuorradikki mearrádusaid geažil, mat dahkkojedje geassemánu 8. b. 2017, juovlamánu 7. b. 2017 ja juovlamánu 13. b. 2018 guovloođastusa ja gieldaođastusa birra, de lea fylka- ja gieldastruktuvra rievdaduvvon.

Gielda- ja fylkastruktuvrra rievdadusaid geažil ferte rievdadit sámelága § 2-4 teavstta, mas meroštallojit sámediggeválgga válgabiirret ja áirrasjuohku.

Departemeanta lea gávnnahan ulbmillažžan ovddidit proposišuvnna gulaskuddama haga. Bargovuohki spiehkasta čielggadanbagadusa váldonjuolggadusa čuoggás 3-3, man mielde evttohuvvon láhkarievdadusaid dábálaččat galgá bidjat gulaskuddamii. Čuoggá 3-3 nuppi lađđasa vuođul sáhttá dattetge spiehkastit váldonjuolggadusas, jos dat adnojuvvo čielgasit dárbbašmeahttumin. Vuođuštus dasa, ahte gulaskuddan ii čađahuvvo, lea ahte rievdadusat adnojuvvojit buhtes teknihkalaš rievdadussan, mainna sihkkarastet ahte sámelágas geavahuvvojit gielddaid ja fylkkaid ođđa namahusat.