2.2 Tromssa ja Finnmárkku...

2.2 Tromssa ja Finnmárkku fylkkagielddaid ja Sámedikki ovttasbargošiehtadusat

Sámediggi lea dahkan ovttasbargošiehtadusaid Tromssa fylkkagielddain ja Finnmárkku fylkkagielddain

Geahča Sámedikki jahkedieđáhusa kap. 2.9.

.Ovttasbargošiehtadusat fylkkagielddaid ja Sámedikki gaskka mielddisbuktet ođđa ovttasbargovugiid almmolaš etáhtaide. Dát leat ođasteamit mat veahkkin čielggadit Sámedikki doaimma fylkkagieldda dási ektui. iehtadusat leat maiddái mielde ovddideamis fylkkagieldda rolla guovllulaš ovddidanbeallin. iehtadusat leat dahkkon seammás go fylkkagielda oažžu ođđa doaimmaid guovllupolitihkalaš orgánan. Dakko bokte čadnojit máŋga mihttomeari ovttasbargošiehtadusaide. Dat sáhttet nannet regionála hálddašandási ja oktiiheivehit beroštumiid ovttaskas politihkkasurggiin. Dat institušunaliserejit ja nannejit barggu sámi áššiiguin, vai bistevašvuohta ja gelbbolašvuođaovdáneapmi fylkkagieldda sámi áššiid barggus sihkkarastojuvvo. iehtadusain ovdánahttojuvvo maiddái oktasaš oaivil ja politihkkaovddideapmi nuorttabeale ránnjáriikkaid ektui. iehtadusain leat goabbat konkretiseremat ja formaliseremat, ja dain čilgejuvvojit áigumušat ja geahččalanortnegat iešguđet servodatsurggiin, omd sámegiela ovddideami dáfus.

Dákkár ovttasbargovuogit leat ráđđehusa miela mielda, danne go leat mielde sihkkarastime sámi perspektiivva áittardeami maiddái regionála dásis.