1.1.3 Doaibmarehketdoallu...
Underside | | Bargo- ja searvadahttindepartemeanta
1.1.3 Doaibmarehketdoallu 2003
1.1.3.1 Poasta 01 politihkalaš dási doaibmagolut
Tabealla 1.3 Politihkalaš dási doaibma
| Poasta | Teaksta | Boađus | RevBuš 2003 | Erohus | % |
|---|---|---|---|---|---|
| 01 | Sámediggeráđđi – oktan dainna mii lea rájus politihkalaš ođđasisorganiserema oktavuođas | 4 272 511 | 3 890 000 | -382 511 | -9,8 % |
| 01 | Sámedikki dievasčoahkkin | 3 992 362 | 4 300 000 | 307 638 | 7,2 % |
| 01 | Sámedikki čoahkkinjođihangoddi | 360 003 | 470 000 | 109 997 | 23,4 % |
| 01 | Sámediggejoavkkut | 1 987 952 | 1 600 000 | -387 952 | -24,2 % |
| 01 | Sámedikki bearráigeahččanlávdegoddi | 123 380 | 106 000 | -17 380 | -16,4 % |
| 01 | Sámedikki doarjjastivra | 620 935 | 650 000 | 29 065 | 4,5 % |
| 01 | Sámi parlamentáralaš ráđđi | 507 615 | 400 000 | -107 615 | -26,9 % |
| 01 | Sámedikki giellastivra | 346 244 | 350 000 | 3 756 | 1,1 % |
| 01 | Sámi giellalávdegoddi | 547 403 | 350 000 | -197 403 | -56,4 % |
| 01 | Sámedikki nuoraidpolitihkalaš lávdegoddi (SNPL) | 196 696 | 120 000 | -76 696 | -63,9 % |
| 01 | Interreg gozihankom./doarjjastivra | 14 268 | 150 000 | 135 732 | 90,5 % |
| Politihkalaš dási doaimma submi | 12 969 370 | 12 386 000 | -583 370 | -4,7 % | |
Bušeahta ektui lea geavahuvvon 583 370 ru menddo ollu politihkalaš dásis. Sivvan manin menddo ollu geavahuvvui leat ee. dát:
Sámediggeráđis leat leamaš eambbo doaimmat go dat, mii lei bušeterejuvvon, erenoamážit riikkaidgaskasaš doaimmaid oktavuođas. Dasa lassin leat ollu golut politihkalaš álgagiid oktavuođas, mat ledje galgat biddjot postii 22 Sierra doaibmagolut, biddjon dán postii, geahča tabealla sierra doaibmagolut. 2003:s leat maid girjejuvvon 66 000 ru sturrosaš golut Álttá-miellačájeheaddjjid gudnejahttimii skábmamánus 2002.
Sivvan erohusaide dievasčoahkkima ja joavkkuid oktavuođas leat dat rievaduvvvon buhtadusnjuolggadusat, mat bohte fápmui cuoŋománus 2003, ja mat leat dagahan ahte golut máksojuvvojit earaláhkai go eaktuduvvon. Divasčoahkkima, joavkkuid ja čoahkkinjođihangotti oktavuođas lea dušše smávva erohus.
Sámi parlamentáralaš ráđi (SPR) menddo olu geavaheami sivva lea vuosttažettiin dat, ahte lea leamaš stuorát doaibma go eaktuduvvon. 2003 lei dábálaš SPR jahki guvttiin SPR-čoahkkimiin ja guđain stivračoahkkimiin. 2002:s dollui dušše okta SPR-čoahkkin ja golbma stivračoakkima. Dasa lassin leat vásihan ahte lea oalle divrras jođihit dakkár orgána, mas leat njeallje bargogiela ja man buot áššebáhpirat galget leat buot njealji gillii čoahkkimiin.
Sámedikki nuoraidpolitihkalaš lávdegotti menddo ollu geavaheami sivvan lea stuorát doaibma 2003:s go eaktuduvvon. Dán ferte geahččat postta 22.7 ektui Konferánssat (nuoraidkonferánsa), mas lea 36 833 ruvdnosaš vuollelgeavaheapmi.
Sámi giellalávdegottis lea 1 150 000 ru sturrosaš buohkanasbušeahtta (oktan hálddahusgoluiguin ja goluiguin juhkkojuvvon 2003 reviderejuvvon bušeahta oktavuođas, mii lei biddjon giellaossodaga háldui), mii mearkkaša su. 600 000 ruvdnosaš badjebáza.
Sivvan dasa ahte Interreg gozihanlávdegoddi lea geavahan uhcit go bušeterejuvvon, lea ahte lávdegotti golut leat máksojuvvon hálddahusaid doaibmabušeahtas.
1.1.3.2 Poasta 01 hálddahuslaš dási doaibmagolut
Tabealla 1.4 Hálddahusa doaibmagolut
| Poasta | Teaksta | Boađus | RevBuš 2003 | Erohus | % |
|---|---|---|---|---|---|
| 01 | Hálddahusa doaibma | 52 669 355 | 52 345 900 | -323 455 | -0,6 % |
| Hálddahusa doaibmagoluid submi | 52 669 355 | 52 345 900 | -323 455 | -0,6 % | |
2003 reviderejuvvon bušeahta oktavuođas lei juolludeappmi Sámedikki hálddahussii 51 545 900 ru. Maŋŋá muddema lassánii bušeahtta 800 000 ruvnnuin 52 345 900 ruvdnui. Sivvan lassáneapmái ledje ruđat váikkuhangaskaoapmerehketdoalus hálddahussii.
500 000 ru poasttas 51.1 Sámi ovddidanfoanda sirdojuvvui postii 01 Hálddahusa doaibmagolut duodjeprográmma bargui.
Dasa lassin sirdojuvvui 300 000 ru poasttas 59 Dearvvašvuođa- ja sosiálaáŋgiruššan postii 01 Hálddahusa, dearvvašvuođa ja sosiála doaibmagolut.
Sivvan badjelgeavaheapmái lea ahte Gielda- ja guovludepartemeanta (GGD) juolludii Sámediggái loahpageahčen jagi 500 000 ru Sámi statistihka várás. Sámediggi lea dan juolludeami bidjan gollun/geavahan 2003:s, muhto GGD ii máksán ruđaid ovdal ođđajagimánus 2004. Dát lea váldojuvvon vuhtii juovlamánu 31. b. 2003 dásodagas, ja nu maiddái bohtosis, mii biddjo ovdan kapihttalis 4.4.12.
Juovlamánus 2003 juolludii Sosiála- ja dearvvašvuođadirektoráhta 300 000 ru plánet ja ásahit diehtojuohkinbálvalusa sámi dearvvašvuođa- ja sosiálabálvalusaid geavaheaddjiid várás. Ruđaid leat ožžon ja fievrridan boahtun 2003:s muhto eai leat geavahuvvon. Čielggadeapmi dahkko 2004:s. Sosiála- ja dearvvašvuođadirektoráhta lea ožžon dieđu dan birra ja lea dohkkehan sirdit ruđaid 2004:ii. Fievrrideapmi lea váldojuvvon vuhtii juovlamánu 31. b. 2003 dásodagas, ja nu maiddái bohtosis, mii biddjo ovdan kapihttalis 4.4.12.
1.1.3.3 Poasta 22 erenoamáš doaibmagolut
Tabealla 1.5 Sierra doaibmagolut
| Poasta | Teaksta | Boađus | RevBuš 2003 | Erohus | % |
|---|---|---|---|---|---|
| 22.1 | Oahpponeavvoráhkadeapmi/FOU | 2 432 848 | 2 540 000 | 107 152 | 4,2 % |
| 22.1 | Oahpponeavvoráhkadeapmi/FOU | 2 521 288 | 2 500 000 | -21 288 | -0,9 % |
| 22.2 | Interreg doaibmagolut (Sámediggi Ruoŧas) | 250 000 | 250 000 | 0 | 0,0 % |
| 22.3 | Interneahtta/elektr. diehtojuohkin/arkiivavuogádat | 1 434 556 | 1 443 000 | 8 444 | 0,6 % |
| 22.4 | Giellagealbudeapmi | 0 | 0 | 0 | - |
| 22.5 | Politihkalaš álgagat | 30 000 | 100 000 | 70 000 | 70,0 % |
| 22.6 | Movttiidahttinbálkkašupmi | 0 | 0 | 0 | - |
| 22.7 | Konfereanssat | 688 167 | 725 000 | 36 833 | 5,1 % |
| 22.8 | Báikkálaš kantuvra Oslos | 172 154 | 100 000 | -72 154 | -72,2 % |
| 22.9 | Finnmárkkuláhka | 1 955 349 | 902 371 | -1 052 978 | -116,7 % |
| Sierra doaibmagoluid submi | 9 484 362 | 8 560 371 | -923 991 | -10,8 % | |
Reviderejuvvon bušeahtas 2003 lei juolludeapmi Erenoamáš doaibmagoluide 6 060 371 ru. Bajábeale tabealla čájeha 8 560 371 ru reviderejuvvon bušeahtas 2003, mii mearkkaša 2 500 000 ru lassáneami. Sivvan dán lassáneapmái lea ODD liigejuolludeapmi pedagogalaš kvalitehtaovddideapmái sámi vuođđooahpahusas, gč. mearkkašumiid kapihttalis departemeanttaid juolludemiid birra.
Badjelgeavaheami sivvan poasttas 22, leat vuosttažettiin lassigolut barggu oktavuođas Finnmárkkulágain. Dasa gullet golut álbmotčoahkkimiid oktavuođas (badjeláigi, mátkkošteamit, orrun jna.), olggobeale konsuleanttaid geavaheapmi, ja vel golut gulaskuddama oktavuođas Stuorradikkis ja justislávdegotti galledeami oktavuođas Kárášjogas. Sihke hálddahusa ja politihkkariid golut leat mielde das.
Nu mo namuhuvvon kapihttalis politihkalaš dási doaibmagoluid birra, de leat 70 000 ruvdnosaš golut politihkalaš álgagiidda váldon poasttas 01 Sámediggeráđđi, mii mearkkaša ahte geavadis ii leat erohus.