Proposišuvnnat ja dieđáhusat

Proposišuvnnat ja dieđáhusat leat dokumeanttat maid Ráđđehus bidjá ovdan Stuorradiggái. Proposišuvnnaid ja dieđáhusaid álgoárvalusa ráhkadit departemeanttat. Dokumeanttaid dasto gieđahallá Gonagas stáhtaráđis ovdalgo dat sáddejuvvojit Stuorradiggái.

Proposišuvnnat Stuorradiggái (Prop.) geavahuvvojit go Ráđđehus árvala Stuorradiggái dahkat mearrádusaid. Dat sáhttet leat árvalusat mat gusket ođđa dahje nuppástuhttojuvvon lágaide, árvalusaide mat leat stáhtabušehttii dahje nuppástusaide dasa ja eará mearrádusaide. 

Dieđáhusat Stuorradiggái  (Dieđ.St.) geavahuvvojit go Stuorradiggi áigu ovddidit áššiid Stuorradikki dievasčoahkkimii almmá dan haga ahte dat gusket mearrádusárvalusaide. Dieđáhusat Stuorradiggái dávjá sulastahttet raportta Stuorradiggái barggu birra mii lea čađahuvvon dihto suorggis, dahje divaštallan boahttevaš politihka birra. Dieđáhusat, ja daid gieđahallamat Stuorradikkis, šaddet dávjá vuođđun proposišuvdnii maŋŋá.