3 Høyring

Forslag til lovendring vart sendt på høyring 4. mai 2004 med høyringsfrist 18. juni 2004.

Forslaget vart sendt på høyring til desse instansane:

• Alle trudoms- og livssynssamfunn som mottek statstilskot

• Arbeids- og administrasjonsdepartementet

• Barne- og familiedepartementet

• Bergen kommune

• Brønnøysundregistra

• Datatilsynet

• Den norske kyrkja, Kyrkjerådet

• Drammen kommune

• Finansdepartementet

• Forsvarsdepartementet

• Fylkesmennene

• Human-Etisk Forbund

• Islamsk Råd Norge

• Justisdepartementet

• Kommunal- og regionaldepartementet

• Kommunenes sentralforbund

• Kontaktutvalet mellom innvandrarar og styresmaktene

• Mellomkyrkjeleg Råd for Den norske kyrkja

• Norges frikirkeråd

• Oslo kommune

• Samarbeidsrådet for tros- og livssynssamfunn

• Senter mot etnisk diskriminering

• Sosialdepartementet

• Statistisk sentralbyrå

• Stavanger kommune

• Utdannings- og forskingsdepartementet

• Utanriksdepartementet

29 av høyringsinstansane har kome med fråsegn.

Dei aller fleste trudomssamfunna var positive til framlegget og har vist til at endringa vil føre til ei meir lik behandling av trudomssamfunn og Den norske kyrkja.

Dei fleste av dei offentlege høyringsinstansane som har kome med fråsegn, hadde ingen merknader. Fylkesmannen i Nordland peika på si side på at endringa ikkje bør svekkje dei små krava som lov om trudomssamfunn stiller til forstandar i trudomssamfunn, i lys av den sentrale rolla ein forstandar har i eit trudomssamfunn.