Forslag
til vedtak om utbetaling av nye løningar for arbeidstakarar i det statlege tariffområdet 2024 m.m.
I
Stortinget samtykker i at Kongen på vegner av staten kan bringe tvistar i samband med hovudtariffoppgjeret i staten 2024 inn for Rikslønsnemnda i samsvar med tenestetvistlova § 31 andre ledd.
II
Stortinget samtykker i at medlemane av Akademikerne og Unio får utbetalt løn i samsvar med avgjerda til Rikslønsnemnda.
III
Etter at det endelege resultatet av lønsoppgjeret i det statlege tariffområdet ligg føre, samtykker Stortinget til at medlemar av LO Stat og YS Stat får utbetalt løn i samsvar med møteboka til Riksmeklaren datert 24. mai 2024, jf. vedlegg 1 og 2, gitt at LO Stat og/eller YS Stat har fått ja i avrøystinga hos sine medlemar.
IV
Stortinget samtykker i at dersom det blir nei i avrøystinga hos medlemar av LO Stat og/eller YS Stat, og tvisten blir avgjort i Rikslønsnemnda, får medlemane av LO Stat og/eller YS Stat utbetalt løn i samsvar med avgjerda til Rikslønsnemnda.