5 Avtaleramme for 2003

Avsluttande forhandlingar vart haldne 4. til 6. november 2002. Partane har drøfta utsiktene for fangstkvantum, marknadssituasjon og kostnadsutvikling, og har om lag same vurdering av venta utvikling for desse faktorane. Partane er kjende med at viktige kvoteprognosar er usikre.

Den 6. november 2002 vart det semje om ei ramme på 70 mill. kroner i fiskeristøtte for 2003, og om fordeling på tiltak. Avtalen er trykt som vedlegg til proposisjonen.