Tilleggsskatteutvalet skal vurdere systemet med tilleggsskatt, mellom anna høvet mellom tilleggsskatt og straff ut fra dei krava Menneskerettighetskonvensjonen set. Utvalet skal også foreslå eventuelle endringar i gjeldande ordning.

Dagens reglar om tilleggsskatt har vore praktisert i 14 år, og det har i denne tida oppstått mange og vanskelege tolkingsspørsmål. Mellom anna har Høgsterett avsagt ein dom som slo fast at auka tilleggsskatt må reknast som straff etter Menneskerettighetskonvensjonen.

Eit administrativt reaksjonssystem er påkravd for å kunne handheve den opplysningsplikta som er pålagd det store talet skattytarar effektivt. Utvalet skal likevel sjå på rekkjevidda og den nærare utforminga av systemet.

Utvalet blei oppnemnt 26. april 2001 med medlemene:

Lagdommar Mary-Ann Hedlund (leiar)

Direktør Jan Syversen, Skattebetalerforeningen

Ligningssjef Liv Kari Mjelva, Ligningsutvalget

Advokat Liv Torill Evenrud Kjeldsberg, Advokatforeningen

Advokat Frode Elgesem, Regjeringsadvokaten

Førstestatsadvokat Morten Eriksen, ØKOKRIM

Seniorrådgiver Ellen B. Moi, Skattedirektoratet

Lovrådgiver Bjørn Berre, Finansdepartementet

Utvalet skal levere utgreiinga si innan 31. mai 2002.

Mandat til utvalet er lagt ut her