1 Innleiing

Som omtalt i Prop. 182 S (2012–2013), er det lagt opp til ei trinnvis utbygging av delar av fv 714 mellom Stokkhaugen i Orkdal kommune og Sunde i Snillfjord kommune i Sør-Trøndelag. Gjennom behandlinga av Prop. 182 S (2012–2013) slutta Stortinget seg til finansieringsopplegget for trinn 1 av den planlagde utbygginga, jf. Innst. S nr. 39 (2013–2014). Samferdselsdepartementet legg i denne proposisjonen fram forslag om finansiering av trinn 2 av utbygginga. Finansieringa er basert på bompengar og fylkeskommunale midlar.

Trinn 1 vil etter planen vere nedbetalt i 2018. Det er lagt opp til anleggsstart for prosjekta i trinn 2 hausten 2017, med fullføring i løpet av 2020.