1 Formål og hovudoversikt

1.1 Formål

I denne proposisjonen legg Regjeringa fram forslag om visse endringar i løyvingar i forsvarsbudsjettet for 2002 for å skape samsvar mellom løyvingane under dei einskilde kapittel og postar og dei endringane i budsjettføresetnader som har skjedd sidan forsvarsbudsjettet for 2002 vart utarbeid.

Saker Stortinget bør informerast særskilt om vert omtala under denne delen av proposisjonen (Formål og hovudoversikt). Endringane på kapittel/post kjem fram under vedtaksdelen.

1.2 Omgruppering: Forhold som endrar ramma for 2002-budsjettet

1.2.1 Nedtrekk grunna meirforbruk i 2001

Avslutninga av rekneskapen for 2001 synte eit meirforbruk under:

1. Kap 1791 Redningshelikoptertjenesten, post 01 på 18,022 mill. kroner.

Totalt meirforbruk var på 18,022 mill. kroner og vert dekka ved at ramma for 2002 vert foreslått redusert tilsvarande.

1.2.2 Netto meirinntekter i 2002

I forhold til vedtatt budsjett 2002 er det ei netto meirinntekt (brutto meirinntekter minus mindreinntekter) på 112,543 mill. kroner som er foreslått tillagt utgiftssida.

1.3 Det økonomiske grunnlaget for omgrupperinga

1.3.1 Økonomisk grunnlag

Grunnlaget for omgrupperingane er vedteke budsjett for 2002 tillagt seinare endringar gjort av Stortinget, fullmakter gitt av Stortinget til Finansdepartementet som ikkje kjem fram som løyvingsendring under dei einskilde departementa og midlar ført over frå 2001. Det er òg teke omsyn til Forsvarets del av lønnskompensasjon for 2002 som var på 332,670 mill. kroner.

I 2002 er det for forsvarsbudsjettet sett i verk faktiske endringar i løyvingar ved følgjande:

• Stp.prp. nr. 1 (2001-2002) Statsbudsjettet medregnet folketrygden, B.-innst. S. nr. 1 (2001-2002) medførte en reduksjon på 20,071 mill. kroner

• St.prp. nr. 39 (2001-2002), Finansiering av norsk militær deltakelse i Afghanistan, nasjonale sikringstiltak mot terrorisme og etablering av diplomatisk nærvær i Kabul, jf. Innst. S. nr. 119 (2001-2002), medførte å auka utgiftsramma med 545,932 mill. kroner.

• St.prp. nr. 55 (2001-2002), Gjennomføringsproposisjonen - utfyllende rammer for omleggingen av Forsvaret i perioden 2002-2005, jf. Innst. S. nr. 232 (2001-2002), medførte å auka utgiftsramma med 1 043,082 mill. kroner.

• St.prp. nr. 69 (2001-2002), Om endringer i »Regulativ for tillegg m.v. til utskrivne vernepliktige mannskap, jf. Innst. S. nr. 249 (2001-2002), medførte å auka utgiftsramma med 20,120 mill. kroner.

• St.prp. nr. 63 (2001-2002), Tilleggsbevilgninger og omrioriteringer i statsbudsjettet medregnet folketrygden 2002, jf. Innst. S. nr. 212 (2002-2003), medførte å redusere utgiftsramma med 40,701 mill. kroner.

• St.prp. nr. 80 (2001-2002), Om Finansiering av norsk militær deltakelse i Afghanistan, jf. Innst. S. nr. 6 (2002-2003), medførte å auka utgiftsramma med 300 mill. kroner.

Departementet foreslår på denne bakgrunnen, under forslag til vedtak, at løyvingane vert auka med 94,521 mill. kroner på utgiftsramma og med 112,543 mill. kroner på inntektsramma.

1.3.2 Utgifter

Tala i tabellane nedanfor syner netto endringar på dei ulike postane. Utgiftstabellen er inklusiv fordeling av netto meirinntekter.

1.3.3 Inntekter