2 Endringsforslag
Kap. 800 Barne- og familiedepartementet
Post 01 Driftsutgifter
På kap. 800 Barne- og familiedepartementet, post 01 Driftsutgifter er det eit meirbehov på 1,8 mill. kroner som kjem av at tiltak av mellombels karakter i realiteten vert utført av departementet, men vert finansiert over ulike fagkapittel. Tiltaka vert såleis dekte innanfor den samla ramma til departementet. Dette gjeld mellom anna midlar til ekstraordinært arbeid, til dømes meirarbeid i samband med oppfølging av barnehageforliket. Ei slik teknisk overføring inneber ikkje ei svekking av dei faglege føremåla på kapitla. Midlane vert budsjetterte over fagkapitla, men må omposterast til driftskapitlet fordi mellom anna løn og anna godtgjersle etter økonomireglementet må utbetalast over driftskapitlet.
Departementet gjer framlegg om å auke kap. 800 Barne- og familiedepartementet, post 01 med 1,8 mill. kroner mot ei innsparing på kroner 0,280 mill. kroner på kap. 846 Familie- og likestillingspolitisk forsking, opplysningsarbeid o.a., post 22 Refusjon av utgifter til DNA-analysar, 0,600 mill. kroner frå kap. 854 Tiltak i barne- og ungdomsvernet, post 71 Utvikling og opplysningsarbeid o.a., kan nyttast under post 50, 0,220 mill. kroner frå kap. 857 Barne- og ungdomstiltak, post 73 Ungdomstiltak i større bysamfunn, kan overførast og 0,700 mill. kroner frå kap. 865 Forbrukarpolitiske tiltak og internasjonalt samarbeid, post 21 Særskilde driftsutgifter, forsking, utviklings- og opplysningsarbeid.
| (i 1 000 kr) | |
| Rekneskap 2002 | 83 107 |
| Løyvt beløp 2003 inklusive tidlegare løyving om tillegg | 80 737 |
| Forslag til omdisponering | 1 800 |
Kap. 840 Tilskot til krisetiltak
Post 60 Tilskot til kommunar til krisetiltak, overslagsløyving
Statstilskotet er eit øyremerkt tilskot til kommunane til drift av krisetiltak som omfattar krisesenter, incestsenter o.a. I samsvar med budsjettvedtaket i Stortinget skal staten yte 50 pst. av dei samla budsjetterte utgiftene til drift, såframt budsjettet til krisetiltaket er i balanse og godkjent i den kommunen krisetiltaket ligg (vertskommunen). Dei resterande 50 pst. av budsjetterte utgifter blir dekte av kommunale, regionale og private bidragsytarar. På bakgrunn av innkomne søknader frå kommunane har det vist seg at løyvinga ikkje er tilstrekkeleg til å dekkje det faktiske behovet.
Departementet gjer framlegg om at kap. 840, post 60 vert auka med 6 mill. kroner for 2003.
| (i 1 000 kr) | |
| Rekneskap 2002 | 59 306 |
| Løyvt beløp 2003 inklusive tidlegare løyving om tillegg | 61 444 |
| Forslag til tilleggsløyving | 6 000 |
Kap. 846 Familie- og likestillingspolitisk forsking, opplysningsarbeid o.a.
Post 22 Refusjon av utgifter til DNA-analysar
Sjå omtale under kap. 800, post 01.
Kap. 854 Tiltak i barne- og ungdomsvernet
Post 21 Spesielle driftsutgifter
Staten oppretter frå 1. januar 2004 Statens barnevern og familievern (SBF). SBF overtek då ansvaret for dei fylkeskommunale familievernkontora og for all fylkeskommunal barnevernverksemd. Løyvinga på kap. 854, post 21 vart i samband med Revidert nasjonalbudsjett 2003 auka med 25 mill. kroner. Nye anslag syner at kostnadane ved gjennomføringa av reforma er høgare enn løyvinga gitt i Revidert nasjonalbudsjett 2003.
Løyvinga skal dekkje eingongskostnadane knytte til staten si overtaking av fylkeskommunane sitt ansvar innan barnevern og familievern. Kostnadane er knytte til drift av prosjektgruppe, etablering av nødvendige lønn- og personalsystem, rekruttering av nøkkelpersonell, anskaffing av lokale, overføring av eigendommar og andre nødvendige førebuingar til overtakinga.
Departementet gjer framlegg om at kap. 854, post 21 vert auka med 5 mill. kroner for 2003. I tillegg kan det bli behov for omdisponeringar innanfor departementets rammer.
| (i 1 000 kr) | |
| Rekneskap 2002 | * |
| Løyvt beløp 2003 inklusive tidlegare løyving om tillegg | 50 506 |
| Forslag til tilleggsløyving | 5 000 |
* Posten vart oppretta i samband med 2003-budsjettet.
Kap. 854 Tiltak i barne- og ungdomsvernet
Post 64 Tilskot for einslege mindreårige flyktningar og asylsøkjarar, overslagsløyving
Posten dekkjer det særskilde tilskotet til kommunane på 93 000 kroner per barn per år, og refusjon av fylkeskommunen sine barnevernutgifter til einslege mindreårige flyktningar og asylsøkjarar. Midlane vert utbetalt frå UDI og som statsrefusjon via fylkesmennene. Ordninga er regelstyrt og posten er ei overslagsløyving. Talet på einslege mindreårige som kjem til landet i 2003, er prognosert til å bli omlag 300.
I prognosar per 06.10.03 har fylkesmennene meldt inn eit totalt behov på 116,6 mill. kroner, medan UDI har stipulert sine utbetalingar til å verte 151,8 mill. kroner i 2003. Dette inneber at det er behov for ei tilleggsløyving i 2003 på 57,4 mill. kroner.
Departementet gjer framlegg om at kap. 854, post 64 vert auka med 57,4 mill. kroner.
| (i 1 000 kr) | |
| Rekneskap 2002 | 192 170 |
| Løyvt beløp 2003 inklusive tidlegare løyving om tillegg | 211 038 |
| Forslag til tilleggsløyving | 57 400 |
Kap. 854 Tiltak i barne- og ungdomsvernet
Post 71 Utvikling og opplysningsarbeid o.a, kan nyttast under post 50
Sjå omtale under kap. 800, post 01.
Kap. 856 Barnehagar
Post 60 Drifstilskot til barnehagar, overslagsløyving, kan nyttast under kap. 844, post 70
Løyvinga under posten for 2003 er på 7 298 314 000 kroner. Rapportering frå fylkesmennene syner eit meirbehov på 130 mill. kroner. Rapportar frå fylkesmennene om etablering av nye barnehageplassar hittil i år og venta etablering resten av året tyder på at måltalet om nye plasser til 12 000 barn (8 000 barn under 3 år og 4 000 barn over 3 år) vil bli nådd innan utgangen av 2003.
I vedteke budsjett er det lagt til grunn at dei nye plassane blir etablerte per 1. august, dvs. at dei gjer utslag på løyvinga med 5/12-dels effekt. Tala i rapporteringa frå fylkesmennene tyder på at ein del av plassane vart etablerte allereie i første halvår i år. Kostnadane ved dei nye plassane i 2003 er av den grunn høgare enn lagt til grunn tidlegare. Meirbehovet kan i tillegg kome av andre strukturendringar i barnehagane som det ikkje er teke høgde for i utrekninga av statstilskottet for dei nye plassane. I budsjettet for 2003 er det lagt til grunn same eigarstruktur og etterspørsel etter heildagsplassar som i 2001. Barnehagestatistikken frå 2002 syner at størsteparten av utbygginga kom i regi av private eigarar. Det er grunn til å tru at dette også gjeld for utbygginga i 2003. Dette gjer at kostnadane vil bli høgare enn lagt til grunn tidlegare for løyvinga, fordi private barnehagar frå 1. august 2003 mottek høgare tilskot enn det kommunale barnehagar får. Ein større auke i utbygginga av heildagsplassar enn lagt til grunn kan også forklare noko av meirbehovet.
Departementet gjer framlegg om at kap. 856, post 60 vert auka med 130 mill. kroner.
| (i 1 000 kr) | |
| Rekneskap 2002 | 5 663 469 |
| Løyvt beløp 2003 inklusive tidlegare løyving om tillegg | 7 298 314 |
| Forslag til tilleggsløyving | 130 000 |
Kap. 856 Barnehagar
Post 61 Investeringstilskot, overslagsløyving
Rapportar frå fylkesmennene tyder på eit mindrebehov på om lag 150 mill. kroner. I vedteke budsjett er det lagt til grunn at alle dei nye barnehageplassane (plassar til 12 000 barn) kjem i nybygde barnehagar som også utløyser investeringstilskot. Rapporteringa frå fylkesmennene syner at ein del av dei nye plassane har kome i barnehagar som allereie er etablerte, enten som meirinntak i barnehagar som er i drift eller ved at barnehagar som har vore stengde i ein periode igjen har opna. Dessutan er det truleg etablert mange nye plassar i familiebarnehagar. Dette inneber at ein større del av dei nye barnehageplassane ikkje har utløyst byggjekostnader og dermed heller ikkje har rett til investeringstilskot.
Departementet gjer framlegg om at kap. 856, post 61 vert redusert med 150 mill. kroner.
| (i 1 000 kr) | |
| Rekneskap 2002 | 60 528 |
| Løyvt beløp 2003 inklusive tidlegare løyving om tillegg | 473 000 |
| Forslag om å redusera løyvinga | 150 000 |
Kap. 857 Barne- og ungdomstiltak
Post 73 Ungdomstiltak i større bysamfunn, kan overførast
Sjå omtale under kap. 800, post 01.
Kap. 865 Forbrukarpolitiske tiltak og internasjonalt samarbeid
Post 21 Særskilde driftsutgifter, forsking, utviklings- og opplysningsarbeid
Sjå omtale under kap. 800, post 01.
Kap. 2530 Fødselspengar og adopsjonspengar
Post 70 Fødselspengar for yrkesaktive, overslagsløyving
Løyvinga under posten er på 8 406 mill. kroner. Utgiftene til fødselspengar er rekna til 8 300 mill. kroner, eit mindrebehov på 106 mill. kroner.
Løyvinga byggjer på at 55 968 barn under eit år mottek gjennomsnittleg 150 190 kroner i fødselspengar i 2003. I det nye overslaget er det lagt til grunn eit noko høgare barnetal, 56 250, og noko lågare gjennomsnittleg utbetaling, 147 556 kroner.
Departementet gjer framlegg om at kap. 2530, post 70 vert redusert med 106 mill. kroner.
| (i 1 000 kr) | |
| Rekneskap 2002 | 7 753 096 |
| Løyvt beløp 2003 inklusive tidlegare løyving om tillegg | 8 406 005 |
| Forslag om å redusera løyvinga | 106 000 |
Kap. 2530 Fødselspengar og adopsjonspengar
Post 71 Eingongsstønad ved fødsel og adopsjon, overslagsløyving
Løyvinga under posten er på 399 mill. kroner. Utgiftene til eingongsstønad er rekna til 423 mill. kroner, eit meirbehov på 24 mill. kroner.
Tal ved utgangen av tredje kvartal tyder på at 2 196 fleire personar med eingongsstønad enn lagt til grunn for løyvinga har rett til eingangstønad. Dette skuldast ein auke i fødselstalet frå 2002 til 2003, jf. post 70, og auka arbeidsløyse.
Gjennomsnittleg utbetaling synest derimot å bli noko lågare enn forutsett, som fylgje av redusert utbetaling av eingongsstønad i tilfelle der det og blir utbetalt fødselspengar, dvs. i tilfelle der fødselspengeutbetalinga er lågere enn beløpet for eingongsstønad.
Departementet gjer framlegg om at kap. 2530, post 71 vert auka med 24 mill. kroner.
| (i 1 000 kr) | |
| Rekneskap 2002 | 396 642 |
| Løyvt beløp 2003 inklusive tidlegare løyving om tillegg | 398 720 |
| Forslag til tilleggsløyving | 24 000 |
Kap. 2530 Fødselspengar og adopsjonspengar
Post 72 Feriepengar av fødsels- og adopsjonspengar til arbeidstakarar, overslagsløyving
Løyvinga under posten er på 240 mill. kroner. Utgiftene til feriepengar er rekna til 233 mill. kroner, eit mindrebehov på 7 mill. kroner, som fylgje av reduserte utgifter under post 70.
Departementet gjer framlegg om at kap. 2530, post 72 vert redusert med 7 mill. kroner.
| (i 1 000 kr) | |
| Rekneskap 2002 | 224 838 |
| Løyvt beløp 2003 inklusive tidlegare løyving om tillegg | 239 955 |
| Forslag om å redusera løyvinga | 7 000 |
Kap. 3854 Tiltak i barne- og ungdomsvernet
Post 04 Refusjon av ODA-godkjende midlar
Visse innanlandske utgifter knytte til mottak av asylsøkarar og flyktningar kan i henhold til OECD/DACs (Development Assistance Comitee) statistikkdirektiver godkjennast som offisiell utviklingshjelp. Departementet foreslår difor at 5 mill. kroner av de økte utgiftene på kap. 854, post 64 Tilskot for einslege mindreårige flyktningar og asylsøkarar blir rapportert inn som utviklingshjelp. I den samband inntektsføres tilsvarande beløp på kap. 3854, post 04 Refusjon av ODA-godkjende midlar.
Departementet gjer framlegg om at kap. 3854, post 04 vert auka med 5 mill. kroner.
| (i 1 000 kr) | |
| Rekneskap 2002 | * |
| Løyvt beløp 2003 inklusive tidlegare løyving om tillegg | 20 000 |
| Forslag til tilleggsløyving | 5 000 |
* Posten ble oppretta i samband med RNB 2003.