1 Innleiing

Stortinget vedtok våren 2005 løyving til byggjestart for nybygg for informatikkmiljøa ved Universitetet i Oslo (IFI2), jf. St.prp. nr. 65 og Innst. S. nr. 240 (2004-2005). Nybygget vil samle informatikkmiljøet og betre tryggleiken, arbeidstilhøva og produktiviteten på eit viktig område. Med bakgrunn i gjennomført forprosjekt og ekstern kvalitetssikring vedtok Stortinget ei kostnadsramme på 912,8 mill. kroner og ei styringsramme på 838,8 mill. kroner per 1.7.2005. Indeksregulert til 15.9.2006 er kostnads- og styringsramma på 979,3 og 900,7 mill. kroner. Det er løyvd til saman 109,4 mill. kroner inkl. prosjektering til prosjektet over kap 1580 Bygg utanfor husleigeordninga i 2005 og 2006. I 2007 er det innafor løyvinga på kap 1580 avsett 200 mill. kroner til prosjektet jf. St.prp. nr. 69 (2006-2007) og Innst. S. nr. 230 (2006-2007).