Finansdepartementet har i dag utnemnt ei ekspertgruppe som skal vurdere Noregs kapitalstyrke. Gruppa blir leie av professor Agnar Sandmo.

Stortinget bad Regjeringa i fjor haust om å utgreie ulike måtar å gjøre Noregs kapitalstyrke til eit føretrinn for norsk konkurranseutsett næringsliv, mellom anna fondskonstruksjonar som kan forvalte og investere delar av Statens petroleumsfond i norske bedrifter.

Den økonomiske politikken er basert på ein gradvis og forsiktig bruk av oljepengane, mellom anna for å unngå å svekke arbeidsvilkåra for den konkurranseutsette sektoren. Eit hovudprinsipp for den økonomiske politikken har vore at det meste av petroleumsinntektene gjennom Petroleumsfondet skal plasserast som finansinvesteringar i utlandet. Grunnlaget for denne retningslinja har vore grundig utreda og drøfta i nasjonalbudsjettdokument og i samband med at Petroleumsfondsloven blei vedtatt.

Ekspertgruppa skal oppsummere og vurdere kunnskapsstatus på feltet, mellom anna i lys av erfaringar og resultat frå tidligare utredningar.

Ekspertgruppa sine medlemmer er:

• Professor Agnar Sandmo, Noregs handelhøgskule (leiar)
• Forskingsdirektør Ådne Cappelen, Statistisk sentralbyrå
• 1.amanuensis Tone Ognedal, Universitetet i Oslo
• Ekspedisjonssjef Morten Berg, Nærings- og handelsdepartementet
• Avdelingsdirektør Sigrid Russwurm, Finansdepartementet

Gruppa skal leggje fram sin rapport innan 20. juni 2004.

Les meir om mandatet her